The Definitive Guide to Living in the Capital , Cairo , Egypt

مجدي يعقوب مش مجرد جراح قلب العالم كله بيحترمه، هو قصة إنسانية ملهمة، بتقول إن الخير باقي وإن المصريين فيهم حاجة حلوة، علشان كدة كان طبيعي نفرح بصدور مذكراته للنور باللغة العربية في كتاب جديد في مكتبات القاهرة، وهو كتاب مذكرات مجدي يعقوب.

تعالوا نتعرف على 5 معلومات عن كتاب مميز بيحكي لنا حكاية أجمل جراح قلوب على كوكب الأرض.

1 – كتاب مذكرات مجدي يعقوب المتوفر حاليًا في أغلب المكتبات المصرية بيكشف لنا الوجوه المتعددة لمجدي يعقوب، الطبيب الماهر، اللي “فتح” عشرات القلوب، واطلع على آلامها، وأعاد إليها الحياة من جديد، من غير ما حد إيه الحكايات الموجودة في قلبه هو، فالرجل المولود في نوفمبر 1935، قليل الكلام، نادر الظهور الإعلامي، إلا في نطاق الدعوة لمؤسسة تحمل اسمه، وبتستهدف قلوب الناس بالرعاية والأمل.

2 – الكتاب ألفه اثنان من أبرع صحفيي “التايمز”، هما سيمون بيرسن وفيونا جورمان، واللي توفرت لهم فرصة إجراء كثير من الحوارات المطولة مع “يعقوب”، واستمر عملهم على الحوارات حوالي 3 سنوات، لحد ما انتهوا من الكتاب.

3 – صدرت النسخة الإنجليزية من المذكرات عن دار نشر الجامعة الأمريكية بالقاهرة، وبرعاية من مكتبة الإسكندرية.

4 – وقد وقع اختيار الجامعة الأمريكية بالقاهرة على الدار المصرية اللبنانية من بين عدة دور مصرية شهيرة لإصدار الكتاب باللغة العربية، وبدأت الدار رحلتها في البحث عن مترجم، واستقر اختيارها على المترجم المصري البارع أحمد شافعي اللي نقل إلى العربية أعمال شديدة الأهمية بلغة راقية.

5 – على مدار أكثر من خمس وعشرين ساعة مسجلة، حكى الدكتور مجدي يعقوب قصة حياته، فكان تفريغ الساعات دي هو العمود الفقري للكتاب اللي بيضم سيرته الذاتية المعتمدة، واللي راجعها “يعقوب” بنفسه.