The Definitive Guide to Living in the Capital , Cairo , Egypt

مكتبات القاهرة فيها روايات كثيرة جميلة وتستحق القراءة. فريق كايرو 360 بيرشح لكم اقتناء نسخة من رواية شيقة بتحكي عن الذكاء الاصطناعي بطريقة مختلفة جدًا، وهي رواية “كلارا والشمس” للكاتب الياباني الحاصل على جائزة نوبل “كازو إيشيغورو”. تعالوا نتصفح الرواية مع بعض في السطور الجاية.

كلنا عارفين إن معظم علماء النفس والاجتماع والتربية والفلاسفة وخبراء التكنولوجيا عندهم مخاوف حقيقية من احتمالات سيطرة الروبوتات والآلات الذكية على الإنسان وتحكمها في مستقبل البشرية، لكن رؤية الكاتب “كازو إيشيغورو” في روايته “كلارا والشمس” بتغير الأمور كلها وبتقول لنا إن الإنسان هو اللي بيستعبد الإنسان، وممكن يضطهد الروبوتات كمان!

بطلة رواية كلارا والشمس هي “كلارا”، وهي روبوت اصطناعي مصمم باختصار علشان يكون “صديق” ويصاحب الأطفال ويساعدهم، ومهمتها الأولى هي ملاحظتهم وتعلم سلوكهم وتقليدهم، علشان تدرك مشاعرهم وتسعدهم وتلعب دورهم عند اللزوم.

كانت المفارقة أن “كلارا” كآلة حديثة وذكية بتستمد الطاقة من الشمس، فأصبحت الشمس في عالمها مصدر للطاقة والحياة لكل الناس والأشياء، وهي مصدر الحرية والشفاء لأنها بتقدر تنور نهارنا ومسارنا، وبتحافظ على استدامة بيئتنا ومقومات حياتنا.

حازت “كلارا” على إعجاب أسرة الفتاة المريضة “جوسي” بسبب ذكائها وقوة ملاحظتها، فاشترتها أم “جوسي” من محل لبيع الروبوتات، وبعد ما تعلمت “كلارا” كل اللي محتاجاه علشان تكون صديق حقيقي ووفي، خدمت صديقتها المريضة “جوسي” وأصبحت بتقلدها وتساعدها في كل شؤون حياتها، وأقنعت الأم بتعريض “جوسي” للشمس من شباك غرفتها، ولما شُفيت الفتاة وكبرت وبعدت عن البيت لاستكمال دراستها، الكل تجاهلوا “كلارا” ورجعت بالنسبة لهم آلة صمَّاء، من غير طاقة أو حياة!

مؤلف الرواية “إيشيغوورا” اتولد في ناجازاكي في اليابان عام 1954، وهاجر مع أسرته إلى بريطانيا وهو في سن الخامسة، وفاز بجائزة نوبل للأدب عام 2017، وكرمته ملكة بريطانيا بلقب فارس وحصل على أرفع الأوسمة من فرنسا واليابان ودول أكثر.

أسلوب الرواية شيق، وهتلاقوها متاحة للبيع في مكتبات القاهرة، وتقدروا كمان تشتروها من هنا وتوصلكم لحد باب البيت.