فلندخل المطبخ.. ترشيحات كايرو 360 لأفضل كتب طبخ في مكتبات القاهرة
أفضل كتب الطبخ أفضل وصفات الطعام كتب الطبيخ كتب تعليم الطبخ وصفات أكل سوري وصفات أكل مصري وصفات المكرونة
Cairo 360
رنا شرف
المطبخ عالم حقيقي مختلف، بيكون غالبًا سبب في متعتنا. لكن علشان تكون المتعة دي كاملة، لازم الأكل اللي يخرج منه يكون مميز ومعمول صح، علشان كده هنقولكم على كتب طبخ مفيدة تستحق الاقتناء، هتخلي لمساتك في الأكل أجمل.
اسم الكتاب: أصول الطهي النظري والعملي
تأليف: نظيرة نقولا وبهية عثمان
كتاب قديم بس عظيم! الكتاب ده من أهم وأشهر كتب الطبخ الموجودة في عالمنا العربي، وهو من تأليف الكاتبة نظيرة نقولا والكاتبة بهية عثمان، بيتميز الكتاب بأنه بيحتوي على كم هائل من وصفات الأكل وكلها ب مسة مصرية وعربية مبهجة.
اسم الكتاب: مطبخ منال العالم
تأليف: منال العالم
واحد من أهم وأشهر كتب الطبخ، والحقيقة إن الشيف منال العالم بتعتبر من أهم السيدات العربيات اللي بتقدم أشهى المأكولات والمشروبات، هتلاقوا في الكتاب أجمل الوصفات سواء التقليدية أو غير التقليدية.
ونقدر نقول باختصار إن الكتاب مرجع حقيقي لكن اللي عاوز يتعلم فن الطبخ بالطرق الحديثة.
اسم الكتاب: الطبخ المصري
تأليف: الشيف شربيني
طبعًا كلنا عارفين إن الشيف شربيني من أهم الطهاة في مصر والوطن العربي، وفعلًا وصلت شهرته للعالم كله. كتاب الشيف شربيني من الكتب المميزة في فن الطبخ وبيحتوي على وصفات متعددة للأطعمة المختلفة.
هتلاقوا في الكتاب أجمل الصوفات لعمل العصائر والمخبوزات والمعجنات والحلويات والشوربات والأطباق الرئيسية والسلطات والمشاوي.
اسم الكتاب: أنا حلبي
تأليف: الشيف محمد أورفة لي
الشيف محمد أورفة لي واحد من أهم الطهاة في سوريا، وهنلاقي في الكتاب ده أجمل الوصفات السورية اللي هتخلي مطبخكم أجمل فعلًا، بيحتوي الكتاب على مجموعة كبيرة من وصفات الطعام العربي وأسرار المطبخ الحلبي.
اسم الكتاب: 100 مكرونة
تأليف: الشيف طارق إبراهيم
كتاب مميز جدًا، هيعلمك تعمل المكونة بطرق مختلفة وسهلة وعصرية. باختصار أفضل دليل مطبوع لعمل المكرونةن وطبعًا كل عشاق المكرونة هيلاقوا نفسهم في الكتاب ده.
