-
د. جابر عصفور
-
واقعية
-
من الآن
-
عربي عربي
-
30 جم
-
جميع المكتبات
Rehab Loay
جابر
عصفور شخصية إشكالية، ناقد كبير، وله إسهاماته في مجال النقد، وكمان له إسهاماته
في مجال الثقافة، وأثر بشكل كبير جدًا في الحياة الثقافية المصرية، بعض الناس بـ
تقول أنه كان المتحكم الأول في الثقافة المصرية لسنين طويلة، وأنه شخصية غيرت مسار
الثقافة المصرية ولولاه كانت الأوضاع هـ تبقى غير كده تمامًا، والبعض بـ يشوفه
أستاذ مالوش مثيل، ومثقف ذكي بـ يقدر يطوع نفسه في كل زمان ومكان.
د.
جابر عصفور أصدر كتاب جديد عن الدار المصرية اللبنانية اسمه “غواية التراث”،
الكتاب غلافه جميل جدًا، ومميز، لكن المحتوى مكرر مش بـ ينشر للمرة الأولى، ومذكور
بوضوح أن دي الطبعة الثانية من الكاتب، في
حين كانت الطبعة الأولى منه صدرت سنة 2005 عن كتاب العربي.
الكتاب
ممتع، والموضوع وما فيه أنك لو عاوز تقرأ كتاب لناقد، وتحس أنك فاهم حاجة منه، وتقدر
تعرف يعني إيه شعر، ويعني إيه نثر، أصلهم وفصلهم، ومين هو الشاعر، وإيه أهم
القضايا اللي بـ تتعلق بالشعر والنثر والمبدعين اللي بـ يألفوهم على مر التاريخ فإحنا
بـ نرشح لك الكتاب ده، وهـ تلاقي فيه معلومات وموضوعات متنوعة ومفيدة.
الجميل
في الكتاب ده نقطة كده تكلم عنها عصفور في الفصل الأخير عن أن الإبداع والبلاغة مش
اللي شفناها ودرسناها فقط، ساعات فيه إبداع بـ يطلع من ناس ما نعرفهمش ولا عمرنا سمعنا
عنهم رغم أهميتهم، والنوع ده من الإبداع بـ يسميه عصفور “بلاغة
المقموعين” أو بلاغة المظلومين، المسكوت عنها، واللي محدش بـ يبص لها خالص.
وبـ يقول
عن المظلومين دول أنهم الناس اللي كانوا دائمًا بـ يعارضوا الحاكم، وبـ يخالفوا سلطة
“الدولة” القائمة ابتداء من الدولة الأموية، وانتهاء بالدول المتأخرة اللي
تزامنت مع انهيار الحضارة العربية، وتبدأ المجموعات دي بالمعتزلة في فترات
معارضتهم للدولة وبـ توصل لـ طوائف الشيعة المقموعين في أكثر من عصر، وكمان مجموعات
التنويريين المتمردين من طائفة الكتاب اللي قُتلوا على يد أجهزة الدولة، ابتداء من
عبد الله بن المقفع في نص القرن الـ 12 الهجري، ووصولاً للفلاسفة والمتصوفة اللي
كان نفورهم من السطوة الاعتقادية للفكر “النقلي” ما يقلش عن نفورهم من السلطة
السياسية للدولة “السنية” النقلية اللي دعمت الفكر ده ووظيفته لخدمة
مصالحها.
الكتاب عبارة عن ثلاثة
فصول بـ يناقش فيها عصفور الشعر في أوله، وبـ يبحث خلال الصفحات الأولى مين هو
الشاعر اللي بجد؟ باحثًا عن النموذج الأصلي للشاعر، وكمان بـ يتكلم عن النثر،
والإبداع بشكل عام.
الكتاب حلو وممتع لو بـ
تحب الشعر وحابب تقرأ عنه وعن الشعراء وتعرف نقط جديدة في مجال النقد، خاصة لو ما كنتش
تعرف د. جابر عصفور، وما قرأتش له حاجة قبل كده.
لكن على كل كنا نحب أن
د. جابر لما يطلع كتاب جديد يبقى مضمونه كمان جديد، لأن بعض النقاد الزملاء قالوا أنه
بالطريقة دي خلص اللي عنده وبـ يعيد إنتاج نفسه من جديد.
أكتب تقييم
مقترح
مطاعم
3 أماكن في القاهرة بتعمل أحلى شاورما لبناني
احلى شاورما لبناني في القاهرة شاورما +3
معالم وسياحة
