-
ميشيل تشوسودوفيسكي، ترجمة محمد مستجير مصطفى
-
فلسفة
-
من الآن
-
عربي عربي
-
5.5 جم
-
كل المكتبات
Cairo 360
أسباب
الفقر في مصر مش مختلفة كثير عن أسباب الفقر في بيرو أو كينيا أو بلغاريا، أو أي
بلد ممكن تخطر على بالك بما فيها الولايات المتحدة الأمريكية، هو ده بالضبط اللي الكتاب بـ يحاول يوصله. اسمه
«عولمة الفقر» صادر عن الهيئة المصرية العامة للكتاب، وكلمة حق مننا، الهيئة دي مش
بـ يطلع منها في سلسلة الإنسانيات خاصة ومكتبة الأسرة عامة إلا الكتب المميزة اللي
تستحق القراءة.
الكتاب عبارة
عن دراسة عن أسباب الفقر اللي بـ تخليه ظاهرة عالمية، وبـ تكتشف أن أسباب الفقر
حول العالم واحدة تقريبا، الكاتب كتب الكتاب ده قبل نهاية القرن العشرين، لكن
اتنبأ أن نهاية القرن العشرين هـ توافق فترة إفقار عالمية، تنهار فيها النظم
الإنتاجية في العالم النامي، وتتصفى المؤسسات الوطنية، وتتحلل البرامج الصحية
والتعليمية، طيب مش هو دا اللي حصل بالظبط في مصر خلال العشر سنين الأخيرة؟؟ مابقاش
فيه صحة ولا تعليم، وتم تصفية المؤسسات الوطنية تحت اسم الخصخصة وما بقاش فيه
إنتاج؟
الكاتب لخص
أسباب الفقر العالمي في مجموعة من الأسباب، السبب الأول البطالة العالمية، بسبب
التقدم التكنولوجي والعلمي الكبير اللي خلى مافيش احتياج للانسان، قدام الألة اللي
ممكن تقوم بمهامه وأكثر.
سبب ثاني
مهم جدًا بـ يطرحه الكاتب وهو اقتصاد العمل الرخيص العالمي، يعني إيه؟ يعني عندنا
في مصر بدل ما نشغل ولاد بلدنا، نروج نجيب عمال من بنجلادش والصين علشان هـ يأخذوا
فلوس أقل، يعني العامل في الشرق الأوسط والدول النامية مرتبه أقل 70 مرة من مرتب
نفس العامل اللي بـ يقوم بنفس الوظيفة في دول العالم المتقدمة زي أمريكا وأوروبا.
أما السبب
الثالث فـ يمكن هو أكثر سبب بـ نعاني منه هنا في مصر، هو تراكم الثروات، ناس قليلين
جدًا معاهم كل الفلوس، وناس تانية مش معاها أي فلوس، وفقراء جدًا، ودول كثير للأسف
وكلنا بـ نعاني من الحكاية دي، كمان سبب ثاني
هو تدمير رأس المال الصغير، في سوق مفتوح، لما تيجي منتجات بـ تنتجها أمريكا بأحدث
الوسائل وتتباع بسعر أقل من منتج يدوي معمول في مصر فيه تعب أكبر ويكون أغلى، طبعا
الناس بـ تشتري المنتج الأجنبي وده بـ يدمر رؤوس المال الصغيرة لأنها مش جاهزة
لمواجهة المنافسة الحقيقية.
فيه مجموعة
أسباب تانية طبعًا وبرضه بـ تحصل في كل بلدان الدنيا خاصة اللي بـ تحاول تنهض
وتقوم، من خلال أفكار تبدو كويسة وهدفها تمام، لكنها في الحقيقة شريرة ومؤذية، زي
التكامل الاقتصادي، يعني الشركات الصغيرة تنضم لكيان واحد كبير يملكه شخص واحد،
وتفضل متنوعة برضه، ده غير التدخلات الدولية من خلال القروض والديون وفرض إملاءات
سياسية وتوجيهات إقتصادية تفقر البلد أكثر وأكثر.
الكتاب في
مجمله مفيد فعلا، وجدير بالقراءة، يمكن يكون فيه بعض المصطلحات اللي مش مفهومة،
لكن بشوية بحث على الانترنت كل حاجة هـ تبقى تمام، وبجد الكتاب يستحق القراءة،
وثمنه لا يوزاي فائدته.
