The Definitive Guide to Living in the Capital , Cairo , Egypt

دار بتانة للنشر والتوزيع أصدرت كتاب جديد بعنوان “عزيزي المحرر”، وهو دليل للصياغة الإحترافية والتحرير، موجه لكل عشاق الكتابة السلمية، والصحفيين والإعلاميين، كمان الكتاب مفيد جدًا للقضاة والسياسيين والمحامين والكتاب والباحثين والمدققين اللغويين، ومدرسي اللغة العربية.

مؤلف الكتاب هو الكاتب والشاعر محمود عبد الرازق جمعة، والكتاب حقق نسبة مبيعات عالية في مكتبات القاهرة في فترة قليلة.

وبيتميز “عزيزي المحرر” بأنه بيقدم توضيح للأفكار ببساطة، ومابيعتمدش على المصطلحات اللغوية، لأن غالبية الفئات الموجَّه إليها الكتاب مش على علم بها، وضرب الكاتب عدة أمثلة بهدف توضيح القصود من الأفكار المطروحة والقواعد المشروحة داخل الكتاب.

وكمان عرض محمود عبد الرازق المشاكل اللي بتواجه المحررين سواء شعروا بوجودها أو لا، وقدم شرح وتحليل لكل المشاكل بعناصر تسهل على الإعلامي إدراكها، مع حلول لكل مشكلة، وتشريح وتحليل الحلول وعناصرها علشان تسهل على الجميع اتقانها، واعتمد في ده على أمثلة حية من دول العالم.

الكتاب متوفر في المكتبات ومعارض الكتب والباعة بسعر 75 جنيه، وهتكتشف فيه سواء كنت متخصص أعلامي أو محامي أو مواطن عادي بيعشق الكتابة كل الأخطاء التحريرية اللي بنقع فيها دايمًا، في محاولة من الكاتب إنه يوصلنا لبناء لغوي سليم.