-
د. أحمد خالد توفيق
-
واقعية
-
من الآن
-
عربي عربي
-
30 جم
-
مكتبات "أ"
Bassem Abou Arab
مجموعة جديدة من المقالات بـ يجمعها كتاب د. أحمد خالد
توفيق «ضحكات كئيبة»، بالطبع د. أحمد غنى عن التعريف لأغلب جيل الثمانينات والتسعينيات
لكونه الأب الروحي للجيل ده اللي نشأ على قراءة قصص “ما وراء الطبيعة” و”فانتازيا”
و”سفاري”.
رغم كون أحمد خالد توفيق رائد فى أدب الرعب والإثارة إلا
أنه بـ يقدم فى “ضحكات كئيبة” مجموعة مقالات ساخرة من العيار الثقيل،
سخرية د. أحمد لها طابع خاص يتميز بالرقي والبعد عن الابتزال و القدرة على رصد
ظواهر وسلوكيات معينة فى المجتمع بشكل رائع بـ يتميز بعمق الرؤية وسلاسة فى الوصف،
مع استخدامه للغة العربية الفصحى، على عكس الشائع دلوقتي فى أغلب كتب الأدب الساخر
اللي بـ تُكتب بالعامية لضمان سهولة الوصول للقارئ.
فى الكتاب بـ نلاقي مقالات منفصلة عن مواضيع مختلفة زي
“المونديال” و”الدروس المستفادة” فيها بـ يحكي عن رؤيته
الخاصة وتحليله لبعض النقط فى المونديال بطريقة تنم عن سذاجة كروية باعترافه، إلا أن
محتوى المقال مضحك بمفارقة معينة وهي أن سواء القارئ مشجع للكرة أو لأ هـ يلاقي
المقال لا يخلو من الملاحظات الصحيحة اللاذعة.
مقال ثاني بعنوان “رجل شهير” بـ يتكلم عن
مشكلة من نوع جديد وهي معاناته من الناس اللي بـ تطلب تسمع رأيه فى أي وقت بخصوص أي
موضوع مهما كان عميق وبـ يحتاج لتفكير، وده طبعًا من منطلق أنه رجل مشهور فبالتالي
لازم يكون له رأي يتسم بالموضوعية والدقة حتى وإن كان بـ يأكل زيه زي أي حد!
زي ما قلنا سخرية د. أحمد من نوع راقي جدًا بـ تحمل داخلها
نوع من المرارة فى واقعنا، بس بشكل عام الكتاب مُسلي جدًا وبـ يدفع القارئ لتقليب
صفحاته بسرعة خصوصًا أن كل مقال بين الـ 3 و 4 صفحات.
أكتب تقييم
مقترح
معالم وسياحة
متحف الصيد: مغامرة في قلب القاهرة هتاخدك لعالم الأدغال
تاريخ مصر حيوانات محنطة +7
أفلام
