The Definitive Guide to Living in the Capital , Cairo , Egypt

كتبت: نسرين حمدي البخشونجي

فى رواية الإفطار الأخير الصادرة عن دار شمس، قرر الكاتب هشام شعبان أن يكتب عن فعل الخيانة بكل أشكاله، الخيانة الجسدية والخيانة الإنسانية. مثلًا ليلى زوجة البطل الرئيسى للرواية “محمود” بتخونه مع “حسن” وخطيبة “حسن” بتخونه مع “محمود” حتى إمام جامع القرية “الشيخ عيسوى” بيخون  مراته مع “فتحية” .

لكن فعل الخيانة الإنسانية واللى قام به الشيف “عبده” كان أبشع  لأنه علشان يوفر شوية مكاسب زيادة اشترى لوليمة الفطار اللى عاملها “محمود” لحوم فاسدة وكانت هى السبب إن كل أهل القرية ماتوا مسمومين.

الرواية بشكل عام بتناقش فكرة الإدعاء، إدعاء العلم مطروح عند محمود اللى اشترى دكتوراه مزيفة، إدعاء التدين والفضيلة اللى قام بيه شيخ الجامع وهكذا.

هشام شعبان كتب رواية بفكرة واقعية جدًا وللأسف نظرة سوداوية جدا للعالم وعلشان كدة  كل شخصيات الرواية شريرة ومكنش ليها أى مقابل لشخصيات طبيعية بتحمل الخير جواها.

الإفطار الأخير رواية قصيرة مكتوبة بلغة بسيطة وإيقاع تشويقى مناسب جدا للأحداث، واعتمد الكاتب اللهجة العامية فى الحوار بين الشخصيات علشان تكون أقرب للواقع فى ذهن القارئ.