3 أماكن في القاهرة بيعملوا أحلى “هوت شوكليت”
أماكن بتقدم هوت شوكليت شوكولاتة محلات القاهرة محلات شوكولاتة في القاهرة هوت شوكليت
Cairo 360
رنا شرف
الهوت شوكليت أو الشوكولاتة الساخنة من المشروبات الشتوية الجميلة اللى بتعمل سعادة لمجرد أنك بتشربها، وده طبعًا لأن فيها شوكولاتة! لكن لو حابب تشرب “هوت شوكليت” مميز تلاقيه فين في القاهرة؟ هنعرفكم على 3 أماكن بتعمل أحلي هوت شوكليت ممكن تتذوقها في العاصمة المصرية.
كوفي كلتشر – Koffee Kulture
مكان مبهج موجود في الشيخ زايد، وله 3 فروع هناك. كوفي كلتشر مش بس بيعمل هوت شوكليت وخلاص، ده بيعمله بشكل مفتكس ومميز، بيقدم الهوت شوكليت مع ستيك من الشوكولاتة مع كوب لبن وبيدوب اللبن الساخن مع استيك الشوكولاتة وقطع المارشملو واللي بيوديها في حتة تانية خالص!
اعرفوا عنهم أكثر من هنا.
شوكليت فاكتري – Chocolate Factory
شوكليت فاكتري موجود في مصر الجديدة، وهو مكان متخصص في بيع الشوكولاتة، لكنه بيعملك أحلى هوت شوكليت وأنت واقف، وبتاخدها فريش وبيقدم الهوت شوكليت في كوب مع قطع الشوكولاتة واللبن.
اعرفوا عنهم أكثر من هنا.
موكو شوكليتس – Moko Chocolates
موجود في أركان بلازا، وبيقدم هوت شوكليت مختلف شوية لانه بيقدمه بالشوكولاتة الدارك أو الشوكولاتة البيضا مع كريمة لبناني وده بيدي كثافة وتقل للهوت شوكليت وبيبقي غني ويستاهل بقك!
اعرفوا عنهم أكثر من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
