The Definitive Guide to Living in the Capital , Cairo , Egypt

رنا شرف

أحيانًا بنكون محتاجين خروجة حلوة تفصلنا عن الحياة وضغوطاتها، ومن الأماكن اللي حسينا فيها إننا بجد سافرنا لمساحة من الروقان المدهش، كافيه Swirkies، اللي القعدة فيه هتفكرك بلندن وسحرها العجيب.

Swirkies هو كافيه بستايل إنجليزي، بيقدم حلويات إنجليزية وعالمية، زي الكوكيز وكون المربي والكريمة والنوتيلا، وغيرها. والجميل إن المكان بيتميز بالأسعار المعقولة، والقعدة المريحة جدًا.

أول ما هتدخل المكان، هتحس إنك انتقلت لأجواء إنجليزية مبهجة، وكأنك في فيلم كلاسيكي. الألوان المسيطرة في المكان هي البينك والبيبي بلو، والورد في كل مكان حواليك، يعني حاجة مبهجة جدًا.

الديكور والورد والكراسي بيعملوا خلطة مناسبة للتصوير، يعني لو بتحب تتصور في أماكن حلوة هتلاقي نفسك في المكان ده.

نيجي بقى للحاجات اللي جربناها، زيارتنا كنت سريعة، فأخدنا حاجة أسمها “ذا وان”، ودي حلويات عاملة زي كون الآيس كريم، بس بتتعمل مشوية بالقرفة، وبتتحط جواها كريمة ونوتيلا ومربي، يعني حاجة جامدة كده وطعمها وهمي، وسعرها 85 جنيه.

ومع الحلو طلبنا لاتيه، وده سعره كان 45 جنيه، وكان جميل وخلانا نفوق ونحس بنشاط.

المكان مناسب جدًا لعيد ميلاد أو لخروجة حلوة مع أصحابك وتشربوا مع بعض كوفي مع كوكيز.

Swirkies موجود في شارع 231 دجلة المعادي، ودي صفحتهم على فيسبوك.