كافيهات في القاهرة لعشاق القهوة المميزة
أماكن قهوة أنواع القهوة القاهرة كافيهات كافيهات القاهرة محلات قهوة مقاهي القاهرة الحديثة
Cairo 360
رنا شرف
الصورة الرئيسية: Nathan Dumlao
رمضان خلص، وعشاق القهوة أكيد مشتاقين لقعدة حلوة في مكان مميز بيعمل القهوة بطريقة مظبوطة تعوض احتياجنا للكافين! وآه لو مع القهوة قطعة حلو مميزة!
ومهما كان نوع قهوتك المفضلة، هنعرفكم على 5 أماكن في القاهرة بتعمل قهوة مظبوطة على الآخر!
929 مصر الجديدة
من أشهر الأماكن اللي هتلاقي عندها قهوتك المفضلة، سواء عادية أو كابتشينو.. إلخ إلخ. وكمان عندهم أحلى جاتوه وتراميسو وغيرهم، وأسعارهم في المعقول. مكانهم في مصر الجديدة وعندهم آوت دور وإن دور.
اعرفوا عنهم أكثر من هنا.
جلال كافيه مدينتي
كافيه مصري مميز، له فروع في بورسعيد وحاليًا في القاهرة، وأحدث فروعه هو فرع مدينتي اللي فتح رسميًا في العيد، عندهم جودة عالية وأسعارهم معقولة جدًا.
اعرفوا عنهم أكثر من هنا.
سيلانترو المعادي
فرع مميز لسلسلة كافيها كلنا عارفينها، بيعمل أنواع مميزة من القهوة، زي الأمريكي والكابتشينو. سيلانترو له فروع كثيرة، لكننا بنحب فرع المعادي وجربناه أكثر من مرة.
اعرفوا عنهم أكثر من هنا.
بينوس وسط البلد
بينوس من الكافيهات المميزة في وسط البلد، يمكن الأسعار هناك عالية شوية، بس المكان يستاهل، والجودة عالية.
اعرفوا عنهم أكثر من هنا.
لابوار وسط البلد
معروف أكثر كمحل حلويات، لكن الحقيقة الكافيه عندهم مميز، والقهوة عظمة، والكافيه في وسط البلد رائع وعلى فيوه تاريخي! الجودة عالية والأسعار وسط.
اعرفوا عنهم أكثر من هنا.
هتشرب قهوتك فين بعد العيد؟
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
