صيف ساخن جدًا.. 5 أماكن في العاصمة بتعمل أحلي آيس كريم
أفضل جيلاتي في القاهرة أماكن بيع آيس كريم خروجات في العاصمة المصرية محلات آيس كريم محلات حلويات في القاهرة
Cairo 360
رنا شرف
في الجو الحر ده مافيش أحلى من الآيس كريم علشان نقدر نواجه الحرارة الشديدة وشمس يونيو في زمن التغير المناخي. وعلشان الصيف يبقى أحلى هنعرفكم على 5 أماكن في القاهرة بتقدم آيس كريم بجودة عالية وبأسعار معقولة.
سلطانة
مين مابيحبش آيس كريم سلطانة العريق، اللي معظمنا مجربه. سلطانة عندهم أكبر تشكيلة من الأطعمة وكمان أسعاره حلوة بتبدأ من أول 40 جنيه للبولة. سلطانة له فروع في مصر الجديدة ومدينتي وأكثر.
اعرفوا عنهم أكثر من هنا.
يايا تشيكس
لو نفسك في تجربة جديدة يبقي لازم تجرب يايا في التجمع. المكان بيعمل آيس كريم مدهش، وكمان عندهم ميلك شيك وعصائر، الأسعار معقولة مقارنة بالجودة العالية لمنتجاتهم.
اعرفوا عنهم أكثر من هنا.
يولي
من إسبانيا إلى القاهرة. هتعيشوا متعة الآيس كريم الصحي المنعش. يولوه موجود في الشيخ زايد.
اعرفوا عنهم أكثر من هنا.
ستافولتا جيلاتو
من الأسماء المشهورة في عالم الآيس كريم في القاهرة! عندهم نكهات متنوعة عجبنا منها القهوة والشوكولاتة، لكن باقي الأطعمة عظيمة.
اعرفوا عنهم أكثر من هنا.
العبد
من الأسماء المعروفة في القاهرة، خصوصًا لعشاق وسط البلد. العبد معروف في عالم الحلويات وخاصة عالم الآيس كريم. العبد له فروع كتير في القاهرة أشهرهم فرع وسط البلد.
اعرفوا عنهم أكثر من هنا.
