جوائز اختيارات محرري كايرو 360 لأفضل أماكن اللاونج لعام 2017
Cairo 360
كتير بنبقى زهقانين من المطاعم التقليدية ونفسنا نقعد في مكان بيقدم أكل كويس وفي نفس الوقت القعدة فيه مريحة وزيها زي قعدة الكافيه، علشان كدة عملنا القسم ده في جوائز محرري كايرو 360، علشان نعرفكم أفضل أماكن اللونج في القاهرة.
الفائزين في جوائز اختيارات محرري كايرو 360 لأفضل أماكن اللاونج لعام 2017:
إسبريسو لاب بديكوراته البسيطة بيقدم أجواء هادية، وبنشوف فيه كراسي خشب عاملة شكل لطيف للمكان وكمان يعتبر مكان هايل للمذاكرة أو الشغل أو لو عايز تستمتع بفنجان قهوة مزاج.
زيارتنا لـ “جابيز – Gaby’s” كانت هايلة من كل الجوانب، مكانه أمام سينما VIP في سيتي ستارز، وجابيز مكوّن من دورين بديكورات بسيطة مستوحاة من جو البيوت اللطيف، بالنسبة لنا المكان ده اكتشاف.
ما ينفعش نكون في الزمالك ومانعديش على ليفت بانك.. المكان بيتميز بديكورات البسيطة، والقعدات بتتنوع ما بين كنب وترابيزات مربعة بكراسي خشب، أما المنطقة الخارجية ففيها ترابيزات مربعة بتطل على النيل بكراسي منخفضة مبطنة ومريحة. سواء كنت جعان أو عاوز تشرب مشروبك المفضل.. ليفت بانك هو مكانك!
من الأماكن القليلة اللي محافظة على مستواها من اليوم اللي فتحت فيه ولحد النهارده، وبموقعه المميز اللي حاجز لنفسه اجمل جزء على النيل، مع ديكوراته المبتكرة كان لازم يكون موجود معانا هنا! أكل حلو ومميز، ومشروبات هايلة ومبتكرة.
نقدر نقول أن بليز يجمع بين طاقم موظفين هايلين وأجواء لطيفة وكمان أكل ممتاز، ويعتبر من الإضافات المهمة لأسطول مطاعم القاهرة الجديدة اللي شعبيتها بتزيد يوم بعد يوم.
عشاق الشيشة ليهم نصيب من ترشيحاتنا، وهوكة لاونج مكان مريح وعظيم الحقيقة، خصوصًا للأوقات اللي بنكون عاوزين نروح فيها مكان نأكل فيه أكلة خفيفة وشيشة، في الحالة دي مفيش أجمل من هوكة لاونج.. علشان كدة هو يستحق جايزتنا.
مقترح
فن وثقافة
طبلة الست.. فرقة غنائية بتنشر الفرح وتحيي التراث
حفلات طبلة الست حفلات غنائية في القاهرة +5
الحياة في كايرو
