The Definitive Guide to Living in the Capital , Cairo , Egypt

كل سنة الناس بتبدأ تحتار تشتري كحك العيد منين، وما بين الطعم اللي ما يتقاومش، والسعر المبالغ فيه، بتختار كل أسرة اللي يناسب قدراتها المادية، فحبينا نعرفكم على أفضل وأشهر الأماكن اللي بتوفر كحك العيد في كايرو.. وكل سنة وأنتم طيبين.

العبد

كعك وبوتيفرو العبد من أجمل الكحك اللي إحنا شخصيًا جربناه، خاصة كمان البيتيفور والغريبة، مش بس لأنه طازة وبيدوب دوب في فمك، لكن كمان سعره مناسب، والزحمة اللي بتكون على أبوابه كل سنة أكبر ضمان على ذوقه العالي.

وتقدروا تشوفوا تتواصلوا معاهم مباشرة من خلال صفحتهم على الفيسبوك هنا. ودي قائمة الأسعار السنة دي:

بسكو مصر

واللي بمناسبة أنهم بقى لهم حوالي 60 سنة في عالم الحلويات والكحك، عملوا لنا السنة دي كحك الريد فليفت، واللي أول مرة يظهر في مصر على حد كلامهم. وتقدروا تتواصلوا معاهم من خلال صفحتهم على الفيسبوك هنا.

ودي قائمة أسعارهم السنة دي:

تسيبس

أحلى بسكويت بالبرتقال وسادة ممكن تجربه من عند تسيباس، واللي سنة وراء سنة بيقدر يثبت ثقة زبائنه فيه.

ده غير الكحك والبيتيفور اللي بتبدأ أسعاره من 110 جنيه، والبسكويت واللي بتوصل أسعاره لـ 210 جنيه، وتقدروا تتابعوا أسعاره وكل الحاجات اللي بيقدمها من خلال صفحته على الفيسبوك هنا.

ساليه سوكريه

من علامات كحك العيد المميز واللي معمول بحب وحرفية برغم إن أسعاره ممكن يكون مبالغ فيها شوية، إلا أن ذوقه لا يُعلى عليه، سعر الكحك بيبدأ للسادة بـ 120 جنيه ، واللي بالجوز بـ 180 جنيه. وتقدروا تشوفوا باقي الحاجات اللي بيقدمها بأسعارها من خلال صفحته على الفيسبوك هنا.

ده غير تشكلية الأطباق المنوعة اللي بيقدمها زي الطبق ده مثلًا وسعره 600 جنيه.     

ماندرين قويدر

من الأماكن اللي بتهتم جدًا بطعم كل حاجة بتقدمها سواء الحلويات أو الأكل العادي، فكان لازم نذكر الكحك والبيتيفور بتاعهم اللي مالوش مثيل. وتقدروا تعرفوا تفاصيل أسعاره من خلال صفحتهم على الفيسبوك هنا.

لابوار

من الأماكن اللي قدرت في فترة قليلة تقدم كل أنواع الحلويات شرقي وغربي، وبتقدم لنا كل سنة أنواع كحك وبيتيفور مختلفة. والأسعار بتبدأ من 150 جنيه للكيلو. وتقدروا تتواصلوا معاهم للتفاصيل من خلال صفحتهم على الفيسبوك هنا.