الساحرة المستديرة.. 5 محلات في القاهرة عندهم أجمل “دونتس”
أسعار الدونتس أفضل دونتس في القاهرة أفضل محلات دونتس
Cairo 360
رنا شرف
الدونتس من الحلويات المشهورة جدًا في العالم كله، وليها شعبية كبيرة في القاهرة، وهي من الأكلات المبهجة اللي بتخلي المود يتظبط، ويا سلام عليها مع قهوة!
قطعة الدونتس المدورة مش مجرد عجينة، دي ممكن تخليك في قمة السعادة لو معمولة صح ومرشوش عليها سكر أو محشية كاسترد أو مربي، أمممممم طعمها بيبقى وهمي.
النهاردة جبنا لكم 5 من أفضل المحلات اللي بتعمل دونتس في القاهرة.
سلسلة محلات عالمية، بتعمل دونتس وكراوسون وسندوتشات راب، دانكن مشهور وله جمهوره. عنده الدونتس الست قطع ب 94 جنيه، وكمان دايمًا بيعمل عروض علي القهوة والدوناتس ممكن تاخد 2 قطعة دوناتس وقهوة بسعر يبدأ من 44 جنيه.
من أشهر العلامات التجارية الأمريكية اللي انتقلت للعالم العربي سنة 2006. عنده الدونتس والقهوة مميزين، بيبدأ سعر الـ3 دونتس عنده من 75 جنيه، والست قطع 135 جنيه، والكابتشينو من 40 جنيه.
كرسبي كريم له فروع في التجمع والشيخ زايد والمهندسين.
من أشهر محلات الدونتس في مصر. بيت الدونتس مش بس بيعمل دونتس، ده بيعمل قهوة وكابتشينو وفرابيه ومخبوزات بكل أشكالها. الدونتس هناك بيبدأ سعره للقطعة من 20 جنيه، عنده كمان كرات الدونتس ب 20 جنيه.
من محلات الدونتس المشهورة في منطقة 6 أكتوبر، بيعمل غير الدونتس سندوتشات. الدونتس هناك بيبدأ سعره من 35 جنيه.
من المحلات المعروفة في القاهرة، لكن مش كتير يعرفوا إن الدونتس بتاعهم يجنن! العبد بيعمل دونتس بطعم مبتكر جدًا، ودي حاجة بتميز المكان ده.
أسعار الدونتس عنده بتبدأ من 17 جنيه.
