The Definitive Guide to Living in the Capital , Cairo , Egypt

ومين في الدنيا مابيحبش الآيس كريم! الأكلة الحلوة الكفيلة بأنها تغير موود أي شخص للأحسن، سواء كبار أوصغار إحنا بنعشق الآيس كريم وباقي منتجات الألبان الحلوة. تعالوا نعرف أفضل أماكن الآيس كريم ومنتجات الألبان اللي حازت على مكان مميز في قائمة اختيار المحررين لعام 2024!

مبروك للفائزين في مسابقة جوائز اختيارات المحررين لموقع كايرو 360 لعام 2024 في فئة الآيس كريم ومنتجات الألبان.

Skip and Scoop

في ممشى الشيخ زايد بالقاهرة، بيقدم لك Skip and Scoop إحساس بالحنين والسعادة لأيام الطفولة القديمة الجميلة. من المؤكد أن المكان هيخليك تحس وكأنك طفل متحمس لتناول الآيس كريم لكن هتبقى الأزمة الحقيقية هي؛ إيه أحلى نكهة أجربها عندهم، علشان كل حاجة حلوة.

Variegato

مجموعة مميزة من الآيس كريم والجيلاتو والفاريجاتو قليل الدسم، المكان في بالم هيلز، وبيوفر لك نكهة غنية ولذيذة مع مجموعة واسعة من النكهات للاختيار من بينها. نصيحة صغيرة: جرب جيلاتو الكراميل المملح واللوز الهش، واشكرنا بعدين!

Gelato Mio

رايح الزمالك ومش هتأكل جيلاتي؟ ماينفعش طبعًا! في المرة الجاية اللي هتزور فيها الزمالك، اطلع على جيلاتو ميو لتناول أحلى آيس كريم في الدنيا.

Mandarine Koueider

مافيش شك أن ماندرين قويدر هو الأجمد في القاهرة! وفيه حقيقة ثانية لا تقبل الشك، وهي أن ماندرين قويدر، وخاصة الموجود في الزمالك، قدم أشهى الآيس كريم على مدار أجيال.

Snö Gelato

في قلب دجلة المعادي، بيقدم سنو جيلاتو الآيس كريم الكريمي مع مخاريط الوافل المقرمشة على الطريقة السويدية ونكهات مالهاش مثيل.

Conitta

بيشتهر مطعم “كونيتا” في المعادي بأقماعه محلية الصنع المحشوة بالكريمة، وبيقدم قائمة مليانة بالابتكارات اللي بنحبها كلنا، ومتقلقش، كل الآيس كريم اللي بتحبه هتلاقيه عندهم.

Dara’s Ice Cream

مصنوع بالحب والعناية، آيس كريم دارا في المعادي بيضيف بالتأكيد بعض الحب إلى الآيس كريم اللي بيصنعوه. توصيتنا أنك تجرب هناك الآيس كريم بالقهوة!

Bel Gelato

بيقع مطعم “بل جيلاتو” في شارع الميرغني في مصر الجديدة، وهو أحد أفضل مطاعم الآيس كريم الإيطالية في العاصمة. آيس كريم هيروح بيك خارج العالم!

Taiyaki

من خلال نقل اليابان مباشرة إلى مول مصر، بيقدم مطعم تاياكي أفضل الآيس كريم والموتشي الياباني بكل النكهات اللي ممكن تخطر على بالك!

Yolé

بالنسبة لجميع المتحمسين للأكل الصحي، بيُعد Yolé الموجود في The Drive by The Waterway المكان المناسب، باختصار هو المكان اللي هتلاقي فيه الآيس كريم اللذيذ بدون السعرات الحرارية الإضافية غير المرغوب فيها!

Mega Ice Cream

من مننا مابيحبش ميجا آيس كريم؟ دي العلامة التجارية الرائدة في مجال الآيس كريم في مصر من سنين طويلة. من الواضح أن الذهاب إلى مكانهم في المخصص للآيس كريم في District 5 هيكون تجربة جديرة بالاهتمام!