The Definitive Guide to Living in the Capital , Cairo , Egypt

كل سنة عالم الحلويات بيكشف لنا عن اختراع جديد ماكناش نتخيله، ما بين الحلويات التقليدية والحلويات إللي نسفت مفهوم التقليدية، بدأت المحلات تتنافس كل رمضان في أنهم يقدموا الأفضل، ولأن رمضان ما يحلاش إلا باللمة، فأكيد عزومات رمضان ما تحلاش إلا بحلويات من أحسن الأماكن في القاهرة.

شوفوا معانا أفضل أماكن بيع الحلويات في رمضان 2016:

ساليه سوكريه – Salé Sucré

من أفضل الأماكن اللي سمعته سبقاه، طبعًا إحنا ما نقدرش نتخيل رمضان يعدي من غير طبق الكنافة بالمانجو اللي مافيش في حلاوته

أو طبق Petit choux au dates واللي هيخطفك لعالم السكريات.

تورتينا – Tortina

لو عاوز تجرب حاجة مسكرة وخفيفة تورتينا عملت مزيج صعب وممتع في الـ Crème Brule Om Ali

ليكلير باريس – L'Éclair Paris

من أفضل الأماكن إللي ممكن تاكل فيها إكلير في حياتك، وفيه أختراع جديد متحمسين نجربه في رمضان وهو تارت البقلاوة – Bakalwa Tart.

كوبر ميلت –coppermelt

طبعًا ما فيش حد ما بيحبش الزلابية، بس هل يا ترى جربتم تاكلوا Zalabia cheese cake ؟ نحب نعرف رأيكم

كمان علشان ما نزهقش كوبر ميلت عمل لنا Oreo Red Velvet Basbousa!

برو أند شو – Brew & chew

من أفضل الأماكن اللي ما ينفعش تزهق وأنت بتاكل شوكولاتة من عندهم، لأن ما فيش في جمالها فغير المنيو العادي بتاعهم عملوا لنا أكثر من نوع مفاجأة كنافة بالبلح والشوكولاتة البيضاء بس نصيحتنا أنكم ما تفوتوش الـ Frosting Oreo melo.

ديلايت – Delight

غير الـ Banana tart اللي في كل زيارة لبره البيت ما نقدرش ما نجيبهاش، كمان الـ Mango pavlova

أو الـ Sweet potatoes pavlova حكاية.

ديفور – Devour

المحل معودنا دائمًا على الاختراعات الدسمة المغرية لو لسه ما جربتوش الـ Red velvet pomb أو الكنافة نوتيلا، يبقى لازم تجربوا الـ Konafa Coun اللي محشية بكل النكهات بالتوت والشوكولاتة والريد فيلفت وكل النكهات اللي تحبوها، devour مش هيحرمكم منها.

ذا باتر هاف & كو – The Batter Half & Co

هم أبدعوا في رمضان اللي فات سواء في البسبوسة دوم  أو الكنافة ريد فيلفت، بس ما نقدرش ننكر أن الأقرب لنا واللي ننصحكم به لأن جماله مالوش مثال هو الـ Red velvet cake.

فور فات لاديز – Four Fat Ladies

لو لسه ما جربتوش الحلويات بتاعتهم فايتكم كتير، خاصة المخبوزات، لازم تجربوا الـ Date Bundt Cake

و Om Ali cheese cake

ذا مهلبية كومباني – The mahalabya company

احتارنا جدًا في الأصناف بتاعتهم ما بين المهلبية بالكنافة بالمانجو ولا بالنوتيلا ولا اللي بالفاكهة الطازة اللي تنفع بعد الفطار أو في السحور، بس هيفضل الحلم اللي مش بيتحقق غير في ليلة صيف ما يضبطش مزاجنا فيها إلا المهلبية تيراميسو.

رمضان كريم و #وحوي_يا_كايرو