ونوت.. ملاذك الهادئ للهروب من ضغوط الحياة!
أماكن للتأمل في القاهرة أماكن مميزة في المقطم أماكن يوجا استرخاء المقطم تأمل تدريب التأمل ثقافة خلوة شعر طاقة إيجابية فن مساحات آمنة للبنات ملاذ هادئ ونوت يوجا
Mohamed Talaat
اليوجا، التأمل، الفن، الشعر، والثقافة مش مجرد أنشطة ترفيهية وبس، دي أصبحت وسائل علاجية متطورة لكتير من الأمراض النفسية والروحية. وعلشان كده، ناس كتير بقوا بيعتبروها جزء أساسي من حياتهم لدرجة إنها بقت روتين يومي لا غنى عنه. وعلشان كدة حابين نحكي لكم عن “ونوت”، وهو مساحة آمنة في المقطم، مخصصة للتأمل، اليوجا، وكل الأنشطة اللي بتساعدك تلاقي نفسك وسط زحمة الحياة.
كلمة “ونوت” في المصري القديم معناها “الخلوة” أو “التجلي”، وده بالضبط اللي بيقدموه في المكان! مساحة هادية ومجهزة لكل أنواع التأمل، اليوجا، الفن، الثقافة، الشعر، وغيرها. هو كمان ملاذ آمن لكل اللي عاوزين يهربوا من دوشة الحياة ويلاقوا وقت لأنفسهم، سواء من خلال التأمل، ممارسة اليوجا، الرسم، أو أي نشاط يساعدهم يستعيدوا طاقتهم.
في ونوت، هتلاقي المساحة اللي تخليك تتأمل مع نفسك وتشوف الأمور بشكل أوضح، أو حتى تستمتع بلحظات من الصمت الكامل اللي يخليك تدرك الفرق بين الماضي والمستقبل.
- ممكن تحضر جلسات اليوجا الأسبوعية.
- تشترك في كورسات متخصصة.
- تزور المكان في أي وقت للخلوة والتأمل.
- تمارس الرسم في أجواء ملهمة، والمكان بيوفر ستاند، باليتة، وفرش.. وكل اللي عليك تجيب ألوانك بس!
تفاصيل مهمة:
الحجز لازم يكون مسبقًا، على الأقل قبلها بيوم، علشان تضمنوا تجربة هادئة تناسب روح المكان.
الأسعار متفاوتة حسب النشاط، وبتبدأ من 50 جنيه بس لجلسات الخلوة.
فيه أنشطة مجانية زي الـ Book Club، اللي بيجمع عشاق القراءة لمناقشة كتاب جديد كل شهر.
ليه المقطم؟
اختاروا المكان ده لأنه زمان كان ملاذًا للمتصوفين والرهبان، شايفين إنه لسه بيحمل نفس الطاقة الروحانية. المكان موجود على روف بتصميم بسيط ومفتوح، علشان يكون دايمًا شعاره: “تعالوا بقلب مفتوح!”
العنوان: 37 قطعة 5028 شارع 17 – المقطم.
رقم التليفون: 01070844802.
تقدروا تعرفوا أكثر عنهم من خلال صفحة الفيسبوك من هنا.
