The Definitive Guide to Living in the Capital , Cairo , Egypt

لو كنت من عشاق الكتب فتقدر تروح من النهاردة الخميس ولمدة 3 أيام معرض كتاب الدقي المخفض، واللي أعلن عنه “الميكروفون”، في فيلا إبداع اللي عنوانها 28 شارع جابر بن حيان الدقي.

المعرض بيعرض لكم حوالي 5000 كتاب في كل المجالات والأسعار عليها تخفيض كبير، والمعرض متاح في الفترة من 6 حتى 8 سبتمبر الجاري.

وميكروفون بيطلق المعرض للمرة السادسة، وكمان وضحوا في الإعلان عن المعرض إن “علاقة القارئ بالكتاب لا يجب أن يعوقها المال، وهو ده سبب وجودنا، وبعد طول غياب يُقام المعرض المخفض السادس لمدة 3 أيام، ويحتوي على 5000 كتاب في مختلف المجالات، وبأسعار مخفضة كالعادة”.

وهيشارك في المعرض بعض دور النشر زي (دار بتانة – مدارات للأبحاث والنشر – مركز تكوين للدراسات والأبحاث – مركز المحروسة للنشر و الخدمات الصحفية والمعلومات – طيوف – مشروعنا بالعقل نبدأ –  عابر – Zero One Pictures“

كمان هيكون موجود كيانات ثقافية وفنية زي (جاليري حيفا – قصاقيص – ملاذ)، والأجمل أن هيكون فيه قاعة مخصوص لتبادل الكتب بين زوار المعرض.