The Definitive Guide to Living in the Capital , Cairo , Egypt

الأيام دي، وسط البلد بتستضيف حدث مهم متعلق بفن التصوير، وهو “أسبوع القاهرة للصورة”، في نسخته الثانية، واللي بيشارك فيه مصورين من مصر ومن دول تانية منها فرنسا وأمريكا.. في السطور الجاية هنعرفكم أكتر على الحدث المهم ده من خلال 5 معلومات سريعة فيهم الخلاصة:

1 – “أسبوع القاهرة للصورة” بيستضيفه جاليري “تاون هاوس” بوسط البلد، وهو الحدث السنوي الأهم اللي بيجمع مصوري مصر والشرق والأوسط.

2 – زار الحدث الفني في الساعات الأخيرة السفير الأمريكي “جوناثون كوهين”، والفرنسي “ستيفان روماتيه” وقاموا بجولة لمشاهدة معرض الصور واتكلموا مع العارضين ومنظمي الحدث.

3 – “أسبوع القاهرة للصورة” بتنظمه مؤسسة ” فوتوبيا”  لتعليم التصوير، بمشاركة مجموعة من المصورين المحترفين.

4 – إلى جانب معرض الصور، الحدث بيتضمن كمان ورش عمل في فن التصوير، وبتتنوع الورش دي بين تصوير الطبيعة والأزياء والأشخاص والأفراح وحديثي الولادة والتصوير الصحفي والسينمائي وغيرها من المجالات المتنوعة.

5 – “أسبوع القاهرة للصورة” هيستمر لحد يوم 20 مارس 2021.