هتتعلم يعني هتتعلم: أقوى مراكز تعليم اللغة الإنجليزية في القاهرة
Mohammed Sabry
كتب: محمد صبري
مين فينا ما بيحلمش يتكلم إنجليزي لبلب زي ما بيقولوا؟ الإنجليزي ده هو البعبع بتاع ناس كتير، خصوصًا اللي بيكونوا عايزين يقدموا لشغل جديد أو حتى سفر. ودايمًا بيدوروا على مكان كويس يتعلموا فيه الإنجليزي الصح، علشان يبقوا قادرين يواجهوا أي اختبار أو يتقبلوا في أي إنترفيو. كايرو 360 جمعت لكم أهم الأماكن دي. تقدروا تختاروا منهم اللي يناسبكم حسب احتياجكم. تعالوا نتعرف عليهم:
الجامعة الأمريكية
ناس كتير بتفضل إنها تاخد كورسات في الجامعة الأمريكية علشان يتعلموا الـ American accent بشكل سليم. ده غير إن فيها أساتذة ومعلمين أجانب كمان. تقدروا تعرفوا أكتر من هنا.
British Council Egypt
المجلس الثقافي البريطاني بيوفر دورات تدريبية للكبار والصغيرين. وبيدرب فيه أفضل الخبراء حول العالم، في مجال تعليم اللغة. تقدروا تعرفوا أكتر من هنا.
Berlitz Egypt
بأكتر من 550 فرع، في أكتر من 80 دولة في العالم، تعتبر “بيرلتز مصر” واحدة من رواد دراسة اللغات على مستوى العالم. وبدأ تواجدها في مصر من ثلاثينيات القرن الماضي. اعرفوا أكتر من هنا.
Amideast
أمديست واحدة من المنظمات الدولية غير الهادفة للربح. اللي بتقدم وتدريبات وأنشطة مختلفة، غير كورسات الإنجليزي. اعرفوا عنها أكتر من هنا.
معهد القوات المسلحة للغات
معهد القوات المسلحة بيقدم برامج ومستويات مختلفة تناسب احتياجكم، مهما كان مستواكم الإنجلش. تقدروا تعرفوا أكتر من هنا.
Concept Egypt
شركة كونسبت اتأسست عام 2006. وبتعتمد في تعليم اللغة على التحدث والممارسة. وكمان بتشجع التواصل بين الطلاب علشان تنمي مهارات التواصل. اعرفوا أكتر عنهم من هنا.
Reach Out Academy
مكان مميز في الدقي، بيعلم لغات كتير منها الإنجليزية، وبيعمل كمان دورات في التسويق والتنمية البشرية، فيه مدرسين أجانب ومصريين، وناس كتير من اللي درست هناك مبسوطة من التجربة، اعرفوا أكثر من هنا.
كده عقدة الإنجليزي اتفكت. انطلقوا.
مقترح
معالم وسياحة
الهروب إلى سيناء.. دليلك لقضاء أجازة صيف ماتتنسيش في العريش!
السياحة في سيناء العريش +8
مطاعم
