The Definitive Guide to Living in the Capital , Cairo , Egypt

الصور الرئيسية: Stephen Andrews

وزارة الثقافة المصرية أطلقت موقع إلكتروني جديد موجه للأطفال باسم “توت“، هتلاقوا عليه كتب الأطفال، ومجلة “قطر الندى”، وأعمال الفائزين بجائزة الدولة للمبدع الصغير. الفكرة ورا المشروع ده إنه يشجع الأطفال على القراءة ويوصل الكتب والمجلات لكل بيت في كل مكان بأسلوب بسيط. 

الموقع بيتبع الهيئة العامة لقصور الثقافة، وفي النسخة التجريبية بتاعته هيضم حوالي 100 كتاب متنوع من إصدارات الهيئة والمركز القومي لثقافة الطفل ومجلة “قطر الندى”. الهدف الأساسي هو نشر حب القراءة عند الأطفال وتنمية خيالهم وإبداعهم. 

الدكتور أحمد فؤاد هنو، وزير الثقافة، قال: “موقع توت هيبقى إضافة جديدة للمشهد الثقافي، بيسهل على الأطفال والأسر الوصول للكتب بجودة عالية، وكل ده ببلاش، وبيساهم كمان في نشر الثقافة الرقمية بشكل أوسع”. 

الوزير كمان وضّح إن الموقع بيركز على تقديم محتوى يناسب الأطفال يجمع بين التعليم والترفيه، وكمان بيسلط الضوء على مواهب الأطفال اللي فازوا بجوائز المبدع الصغير. 

الجميل كمان إن الموقع مصمم بشكل بسيط وجذاب عشان يخلي التجربة ممتعة وسهلة للأطفال والأهالي، وده كله بهدف نشر الثقافة وتعزيزها في حياتنا اليومية. 

لو حابين تزوروا الموقع وتتعرفوا على المكتبة الرقمية، ادخلوا على الرابط ده.