The Definitive Guide to Living in the Capital , Cairo , Egypt

معرض القاهرة الدولي للكتاب 2025 بيحقق نجاح كبير جدًا، وبيستقبل أكتر من 2 مليون و250 ألف زائر في أول 6 أيام! بس يوم الأربعاء 29 يناير لوحده زاره أكتر من 400 ألف شخص!

المعرض السنة دي مليان فعاليات مميزة، وأكتر الأجنحة اللي لفتت الأنظار كان جناح الكتب المُخفضة اللي جذب عدد كبير من الزوار، وكمان جناح الطفل اللي قدم ورش تفاعلية وعروض مسرحية ممتعة، وكان محطة أساسية لكل العائلات.

تفاصيل الدورة الـ56:
تنظمها الهيئة المصرية العامة للكتاب، تحت رعاية الرئيس عبدالفتاح السيسي، وبتستمر لحد 5 فبراير في مركز مصر للمعارض الدولية بالتجمع الخامس.
شعار السنة دي: “اقرأ… في البدء كان الكلمة”.
سلطنة عُمان ضيف الشرف، وشخصية المعرض العالم والأديب أحمد مستجير، وشخصية معرض كتاب الطفل الكاتبة فاطمة المعدول.
مشاركة ضخمة: 1345 دار نشر من 80 دولة، وظهور جديد لـ 10 دول لأول مرة، منها تشيلي، بلجيكا، وفيتنام.

مواعيد معرض الكتاب 2025
من 24 يناير لحد 5 فبراير.
مفتوح للجمهور من 10 صباحًا – 8 مساءً (الخميس والجمعة لحد 9 مساءً).

سعر التذكرة وطريقة الحجز
5 جنيه بس للدخول.
تقدر تحجزها أونلاين بسهولة من الموقع الرسمي (اضغط هنا).

إزاي توصل للمعرض؟

محافظة القاهرة موفرة 7 خطوط أتوبيسات مباشرة من ميادين مختلفة:

الخط الأول: عبدالمنعم رياض – رمسيس – العباسية – جامعة الأزهر – محور المشير – معرض الكتاب.

الخط الثاني: دوران شبرا – أحمد حلمي – رمسيس – العباسية – نادي السكة – جامعة الأزهر – محور المشير – معرض الكتاب.

الخط الثالث: النزهة الجديدة – ميدان الحجاز – السبع عمارات – مكرم عبيد – مصطفى النحاس – الوفاء والأمل – معرض الكتاب.

الخط الرابع: الأميرية – ميدان المطرية – الحلمية – كلية البنات – ميدان الشهيد هشام بركات – الحي السابع – حي السفارات – معرض الكتاب.

الخط الخامس: ميدان الجيزة – جامعة القاهرة – القصر العيني – السيدة عائشة – الأتوستراد – جامعة الأزهر – معرض الكتاب.

الخط السادس: صقر قريش – كارفور المعادي – نادي وادي دجلة – الطريق الدائري – محور المشير – معرض الكتاب.

الخط السابع: المظلات – سراي القبة – روكسي – السبع عمارات – الحي الثامن – الوفاء والأمل – محور المشير – معرض الكتاب.

مستني إيه؟ خطط زيارتك واستمتع ببحر من الكتب والفعاليات الثقافية!