مزار: هواة النهارده هم محترفي بكره
Heba Hasab
“مزار” للخدمات الثقافية والفنية.. بدأت فكرتها عند
مجموعة من الشباب تحديدًا آخر يوم فى ميدان التحرير يعنى يوم 12 فبراير 2011، وده
كان بسبب الجهود الجبارة اللى عملها الشباب المصرى اللى كانوا معتصمين فى الميدان
لما نظفوه ودهنوه قبل ما يرجعوا بيوتهم، والعلاقة بين التصرف ده وبين “مزار”
أن شباب الميدان أثبتوا أن المصريين عندهم روح عالية جدًا للتطوع وخدمة المجتمع
المصرى بدون مقابل ولفترات طويلة وكمان عندهم قدرة على العمل الجماعى تمكنهم من
النهوض بالمجتمع بشكل حقيقى… وفى اللحظة دى ولدت فكرة “مزار”.
علشان
يقدر شباب مزار البدء فى عملهم كان لازم يدوروا على مقر يسجلوا به المكان ويخلصوا
إجراءات التأسيس، ولغاية دلوقتى ما كانش فى دماغهم خالص فكرة الأحداث الثقافية لكن
وقت التأسيس لما بقى عندهم مقر ولما اكتشفوا أن كل المتحمسين للفكرة واللى هـ يشتركوا
فيها اشتغلوا سنوات طويلة فى أماكن ثقافية قرروا يأسسوا المكان على أنه يقدم خدمات
ثقافية وفنية واجتماعية.. وقد كان.. وتم افتتاح “مزار” فى منتصف سبتمبر.
مزار
أقامت مجموعة من الأحداث الثرية المفيدة على المستوى الثقافي والفني والاجتماعي…
مثلاً من ندواتها الثقافية الهامة ندوة مع الخبير السيكولوجى د. محمد طارق بعنوان “السلام
الداخلى” واللى بـ تعلمنا إزاى ننظم التناغم بين العقل والجسد لتوصيل أفكارنا
أو بمعنى آخر السيطرة على الجسد والتحكم فيه.. وكمان عملت “مزار” رحلة
تثقيفية للفيوم للتعريف بمعالمها زى وادى الحيتان ووادى الريان وهـ تكرر التجربة
مع محافظات ورحلات ثانية.
وعلى
المستوى الاجتماعى نظمت مزار حملة “دعوة للتسامح.. ضد الانفلات الأمنى”
اللى بـ تهدف لنبذ العصبية وخاصة عادة الثأر المتفشية فى المجتمع المصرى وخاصة في
عائلات الصعيد، وبداية الحملة كانت عن طريق عمل صلح بين عائلتين كبار فى منطقة دار
السلام (شيكاغو مصر زى ما بـ يقال عنها) بينهم ثأر، وطبعًا توسط شباب مزار عند أخو
القتيل علشان يقبل “الكفن” من قاتل أخيه ولوقف حمام الدم اللى هـ يتفتح
بين العائلتين.. وبالفعل تكرم صاحب الثأر الأستاذ وليد إبراهيم زكى وتغلب على
العادة القبيحة المتوارثة وكمان على الضغوط الاجتماعية اللى أكيد هـ يقابلها فى
أسرته بسبب قراره. بعد الصلح ده تشجعت عائلة أخرى للتنازل عن الثأر بتاعها وبـ تقوم
مزار حاليًا بالتنسيق بين العائلتين لتقديم الكفن.
وبسبب
الحملة دي استضاف برنامج “مال مصر” على قناة “أون تي في” شباب
مزار وبعد التعريف بالحملة انضم لهم مقدم البرنامج أستاذ حازم شاهين وقرر أنه يبقى
أحد أعضاء الترويج للحملة لنبذ التعصب والقضاء على عادة الثأر.
بالإضافة
للأحداث الكبرى دي مزار بـ تقدم أحداث يومية زى الأمسيات الأدبية والندوات
الاجتماعية ومعارض اللوحات والصور الفوتوغرافية، ده بخلاف الورش والدورات
التدريبية زى ورش تصنيع العرائس المتحركة والغناء وتعليم الكمان والجيتار ورسم
الزيت والبورتريه والإكسسوار واليوجا والفوتوغرافيا وتعليم اللغة العربية للأجانب.
وطبعًا
مزار ما نسيتش الأطفال، عملت لهم برنامج ورش اسمه “كيد لاب – Kid
Lab”
لتعليم الرسم وتعليم المصنوعات اليدوية، والجديد أنها هـ تعمل معرض تبيع فيه
منتجاتهم وهـ تكتب عليها Made
by Egy Kid.
كمان
مزار بـ ترتب الفترة الجاية لحدث ضخم هـ يتعبر الأول من نوعه فى المؤسسات الثقافية
والاجتماعية فى مصر، وللأسف ما عندناش تصريح نتكلم عنه دلوقت لأنه لسه تحت الإعداد.
لكن طبعا اللى عاوز يتواصل معاهم علشان يعرف الحدث فى ميعاده مزار موجودة فى 69 شارع
الأنصار الموازى لشارع محيى الدين أبو العز، الدور الرابع، شقة 5 أو التواصل معاهم
على رقم 01005824321 أو زور
صفحتهم على الفيسبوك.
“مزار”
تجربة شبابية تستحق المتابعة.
مقترح
مطاعم
3 أماكن في القاهرة بتعمل أحلى شاورما لبناني
احلى شاورما لبناني في القاهرة شاورما +3
معالم وسياحة
