The Definitive Guide to Living in the Capital , Cairo , Egypt

هل تعرف إن الفراعنة أول من احتفلوا بعيد الأم؟ وده كان بداية من عهد الدولة القديمة حتى عصر الدولة الحديثة، كمان ورد ذكر عيد الأم في أكثر من بردية من برديات كتب الموتى، خاصة كتاب “آبي” وكتاب “نبستي”.

وبحسب اللي قاله الباحث الأثري أحمد عامر لموقع فيتو، اهتم المصريون القدماء بتشجيع أولادهم على طاعة الوالدين وبخاصة الأم والتي خصها الفراعنة بكتير من الوصايا والتعاليم اللي بتعلم الأطفال دور الأم وضرورة الإحسان إليها وطاعتها.

وكانت “إيزيس” هي أم لجميع المصريين ورمز لمصر وكان الإحسان إليها والتقرب لها من الأعمال المهمة في مصر الفرعونية، واعتبرت “إيزيس” رمز الأمومة والمثل الأعلى لكل أم واتصورت وهي شايلة وليدها “حورس” وهو بيرضع من ثدي أمه سائل الحياة.

وكان لـ “إيزيس” عيد سنوي وبيحتفل بيها المصريين وهو أقدم عيد أم في الوجود وكان المصريين بيحتفلوا بيه في مواكب الزهور وهي بتلف المدن المصرية، وحمل اليوم ده العديد من الأسماء منها يوم الأم المقدسة ويوم أم الوجود ويوم الأم الجميلة، وكذلك يوم أم الحياة وبيعتقد كثير من علماء الآثار أن اليوم ده بيوافق الاحتفال ببداية فصل الربيع في ٢١ من مارس.

وأضاف “عامر” أن المصريين القدماء اعتبروا تمثال “إيزيس” اللي بتحمل إبنها “حورس” وهي بترضعه رمز لعيد الأم فحطوه في غرفة الأم وأحاطوه بالزهور والقرابين وحطوا حواليه الهدايا المقدمة للأم في عيدها اللي بيبدأ الاحتفال بيه مع شروق الشمس.

كمان الملوك حرصوا على ضرورة تلبية احتياجات النساء، وبيتضح ده في نقوش الحكمة اللي لقاها العلماء في واحدة من البرديات للحكيم “بتاح حتب” واللي بيوصي فيها بحفظ قيمة الأم وهو بيقول: “إذا كنت عاقلًا فأسس لنفسك دارًا وأحبب زوجتك حبًا جمًا وآتها طعامها وزودها بالثياب وقدم لها العطور لينشرح صدرها، فهى حقل مثمر لصاحبه وإياك ومنازعتها ولا تكن شديدًا عليها فباللين تستطيع أن تمتلك قلبها وأعمل دائمًا على رفاهيتها ليدوم صفاؤك”.

كل سنة وكل أم في القاهرة بخير.