كتب مهمة بسعر مناسب.. ليه لازم تزوروا جناح المركز القومي للترجمة في معرض الكتاب؟
جناح المركز القومي للترجمة كتب رخيصة معرض الكتاب مواصلات معرض الكتاب
Cairo 360
الصور من الصفحة الرسمية لمعرض الكتاب
معرض الكتاب فرصة مهمة مش هتتعوض تاني في 2020 لكل عشاق الكتب، ومن بين أجنحة كتيرة في المعرض، فريق كايرو 360 بينصحكم بزيارة جناح المركز القومي للترجمة في صالة 2 جناح B4 واللي مليان كنوز مهمة بسعر على قد الإيد.
ومؤخرًا الصفحة الرسمية للمعرض على الفيسبوك نشرت 4 أسباب مهمة لزيارة جناح المركز القومي للترجمة، هنقول لكم عليها في السطور الجاية.
1 – عندهم خصم 50% للطلاب، و30% لكل الناس، ده غير إن عندهم أكثر من 300 كتاب عليهم خصم 70%.
2 – عندهم أكثر من 50 إصدار جديد السنة دي، وأسعارهم رائعة جدًا بالمقارنة بقيمة الأعمال الموجودة عندهم.
3 – لما تزوروا الجناح هتلاقوا أعمال كتيرة جدًا في مجالات مختلفة، منها التاريخ والفلسفة ومنها كتب عامة ومنها في المسرح والسينما.
4 – بنرشح لكم بعض الأعمال المهمة، زي: تاريخ الفلسفة في الإسلام، مثنوي لجلال الدين الرومي، حل المشكلات اليومية بالمنهج العلمي، مذكرات نابليون، كيف تجعل أبناءك يحبون الدراسة، صائد الغزلان، كليوباترا سيرة ملكة، أسباب الحرب العالمية الثانية، ألف ليلة وليلة، ومؤلفات تانية كتير.
نتمنى لكم زيارة ممتعة لمعرض الكتاب، وعلشان تعرفوا الدليل الكامل لمواصلات المعرض اضغطوا هنا.
وبنفكركم إن المعرض مفتوح يوميًا من 10 الصبح، ولحد الساعة 8 مساءً.
