17 أكتوبر.. انطلاق فعاليات مهرجان “دي-كاف” بحضور عالمي وعروض فنية مبهرة
تفاصيل مهرجان دي كاف جدول مهرجان وسط البلد دي كاف دى كاف مهرجان دى كاف مهرجان وسط البلد للفنون المعاصرة موعد مهرجان وسط البلد
Cairo 360
القاهرة بتحب المهرجانات الفنية والثقافية، ودائمًا فيه فعاليات جديدة في العاصمة، وأحدث المهرجانات اللي هتحتضنها القاهرة هي مهرجان وسط البلد للفنون المعاصرة (دي-كاف)، واللي هينطلق في الفترة من 17 أكتوبر إلى 10 نوفمبر 2024، وبيكمل المهرجان السنة دي 12 سنة من عمره، وهتتضمن الدورة الأحدث 26 عرض متنوع بين الفنون الأدائية وفنون الميديا الحديثة والموسيقى والفعاليات الخاصة.
وهتشمل الدورة كمان عروض فنية معاصرة ولقاءات ومعارض فنون بصرية بتتميز بأفكارها الإبداعية ومواكبتها للتكنولوجية وقدرتها على التفاعل مع الجمهور، وهيقدم العروض دي 124 فنان من 21 دولة، بالإضافة إلى 9 ورش عمل في مجالات مختلفة، ده غير فعاليات برنامج “القاهرة تنادي” واللي بيستضيف 13 مخرج ومصمم رقص من المنطقة العربية والعرب المقيمين بالخارج.
ومهرجان وسط البلد للفنون المعاصرة (دي-كاف)، هو المهرجان الوحيد من نوعه في مصر اللي بيقدم عدة أشكال من الفنون المعاصرة، وبيستمر على مدار ثلاثة أسابيع في عدة أماكن بمنطقة وسط البلد بالقاهرة، وبيضم المهرجان عروض فنية أدائية ومسرحية وبصرية وموسيقية وعروض ديجيتال وسينمائية. وبيشارك في المهرجان مجموعة من الفنانين المصريين والعرب والعالميين من جميع أنحاء العالم يجتمعون في قلب القاهرة.
وبيتميز برنامج الفنون الأدائية بمهرجان دي-كاف بعدد من العروض اللي هتقدم في المنطقة العربية لأول مرة، وهيُفتتح برنامج الفنون الأدائية بالعرض الأول لـ “تذوقني” وهو إنتاج مشترك بين مصر وفرنسا، وهو عرض تفاعلي باستخدام الطبخ، و هيقدم عرض “كتاب نيبتون” من المجر، و هو عرض موجه للأطفال باستخدام تقنية العرائس المضيئة، كمان بيتضمن البرنامج عرض “في مواجهة الأم” من فرنسا، للمرة الأولى بالمنطقة العربية بعد عرضه الأول في فرنسا بأسابيع.
أما برنامج الفنون البصرية و الميديا الحديثة فهيتضمن مجموعة متميزة من المعارض والتجارب النوعية، اللي بتناقش تحديات المجتمعات الاقتصادية، و مشكلات الحروب و النازحين، وهيفتتح برنامج الفنون البصرية و الميديا الحديثة بمعرض “أين تذهب الأحلام”، بالتعاون مع مزج للثقافة والفنون، وهيقدم المعرض من خلال الكوميك أعمال لـ 30 فنان بعد دعوة مفتوحة في شهر أغسطس الماضي.
وهيقدم دي-كاف في 2024 عدد من الفعاليات الاستثنائية، هتبدأ بـ “شكسبير على الطاولة” لفرقة انترتينمنت من المملكة المتحدة، و”حاجة مفيش زيها” لفرقة كوارنتين من المملكة المتحدة، واللي هيُقدم داخل مطاعم مختلفة بوسط البلد.
وهيختتم دي-كاف فعالياته ببرنامج “القاهرة تنادي” واللي هيقدم 8 عروض وهي مشروعات لمخرجين شباب من المنطقة العربية، بالإضافة لاستضافة 13 مخرج ومصمم رقص من الشباب من المنطقة العربية أو العرب المقيمين خارج الوطن العربي ضمن برنامج تدريبي طوال فترة المهرجان، هيتضمن تدريبات على الدراماتورجي، الإنتاج، وغيرهم.
