شبابيك بتطل على القاهرة.. مشروع فني لتوثيق ملامح العاصمة وقت الغروب

فن وثقافة -

25/09/2024

شبابيك بتطل على القاهرة.. مشروع فني لتوثيق ملامح العاصمة وقت الغروب

Frames of Cairo القاهرة المصور كريم عمرو تصوير فوتوغرافي صور للقاهرة من خلف الشبابيك مشاريع فنية عن القاهرة

بواسطة

Cairo 360

الصورة الرئيسية: كريم عمرو

القاهرة مساحة حقيقية للإبداع، وأي عدسة كاميرا أكيد هتحب العاصمة المصرية بسبب أن كل تفصيلة تاريخية فيها بتحكي حكايات عن الزمن والبشر، وحتى الحجر له صوت لو قررت تقرب منه وتسمعه. ومؤخرًا قرر المصور كريم عمرو، توثيق القاهرة من منظور مميز جدًا، وهو شبابيك المباني.

في مشروعه الفني اللي بيحمل عنوان “Frames of Cairo“، بيحاول كريم عمرو يصنع من شبابيك المباني حوالينا زاوية لإبداعه في مجال التصوير.

View this post on Instagram

A post shared by Karim Amr | كريم عمرو (@krimamr)

وبيتضمن المشروع الفني مشاهد للمآذن بارتفاعاتها المختلفة بمدينة الألف مئذنة، ومشاهد لنهر النيل، والمراكب الشراعية، والقاهرة القديمة ومعالمها البارزة زي قلعة صلاح الدين الأيوبي، والهدف النهائي بحسب تصريحه لموقع CNN بالعربية هو “إظهار القاهرة بشكل غير مألوف”.

وبيفضل المصور المصري التقاط صوره خلال وقت الغروب، لأنه “الوقت الأمثل بسبب تدرج ألوان أشعة الشمس من الأصفر إلى البرتقالي”.