The Definitive Guide to Living in the Capital , Cairo , Egypt

نجح الممثل الأمريكي من أصل مصري “رامي يوسف” – 29 سنة – في إنه يحصل على جائزة أفضل ممثل تلفزيوني في عمل كوميدي أو موسيقي، وده عن دوره في المسلسل الكوميدي “Ramy” وبعد ما تفوق على الفنان العالمي “مايكل دوجلاس”.

رامي يوسف، من مواليد 26 مارس 1991، في مدينة “نيوجيرسي” الأمريكية، أبوه وأمه مصريين، ودرس الاقتصاد والعلوم السياسية في أمريكا، واتجه للتمثيل خلال الدراسة، وبعد وصوله لسن الـ20 راح لهوليوود علشان ياخد أول خطوات العالمية ويدرس التمثيل فيها.

أما مسلسل “Ramy” فأحداثه بتدور حولين الجيل الأول للمهاجرين لأمريكا، ورامي لعب فيه دور شاب عايش وسط عائلة أمريكية مسلمة في ولاية “نيوجيرسي”، وكان فخور بإسلامه وتراثه ورافض التخلي عنهم، وده خلاه بيحاول دايمًا إنه يوازن ما بين انتماؤه لأول جيل مصري مسلم وما بين إنه أمريكي.

المسلسل نجح بشكل كبير في الولايات المتحدة، ووصفه النقاد الدراميين بإنه رحلة روحية للشباب المسلم اللي بيحاول يلاقي نفسه ويستكشفها في الغرب، معتبرين إن دي صورة المسلم الحقيقي اللي بيدافع عن المسلمين وبينتقد الصورة المسيئة اللي بيروج لها المتطرفين.

#GoldenGlobes winner Ramy Youssef discusses the modern representation of family in his show Ramy backstage after his big win. pic.twitter.com/EltDEY4lgW

— Golden Globe Awards (@goldenglobes) January 6, 2020