-
6 شارع البرازيل
-
معارض
-
-
10 صباحاً - 2 صباحاً / 5 مساءً - 9 مساءً (عدا أيام الأحد)
Tanya El Kashef
نازلي مدكور بدأت معارضها من حوالي 20 سنة، وكانت
أعمالها في البداية مستوحاة من الطبيعة ومعظمها مناظر طبيعية، إلا أن اتجاهاتها
بعد كده تطورت وأصبحت تضم قضايا اجتماعية أخرى، وخاصة القضايا اللي بـ تخص المرأة.
المعرض الخاص بنازلي مدكور المقام حاليًا في جاليري سفر
خان بالزمالك وعنوانه “تحية للمرأة”، هو في حقيقة الأمر إهداء لانتصارات
وعذابات المرأة المصرية.
أول حاجة أي حد متعود يعملها لما يدخل من باب المعرض-الموجود
في شارع البرازيل- أنه يدور على كتيب، برنامج أو أي حاجة مطبوعة تعطينا فكرة عن اللوحات
المعروضة، إلا أنه للأسف المره دي ما كانش فيه أي حاجة من دول، ودي حاجة لاحظنا أنها
بـ تتكرر في أكثر من معرض، سواء عدم وجود مطبوعات أو حتى لوح صغيرة فيها عناوين
تشرح اللوحات دي، حتى لو من ناحية شرح الخامات المستخدمة.
اللوحات الموجودة في الدور الأول بـ تركز على صور
لسيدات، خاصة وجوههم، وده بـ يتحقق من خلال مزيج من الألوان الكئيبة، وبتعبيرات
مظلمة وتقريبًا كلها شبه بعض. ضربات الفرشاة، واللي بـ تكون ثقيلة وكثيفة في بعض
المناطق من اللوحة بـ تعطي إيحاءات متعددة، إلا أنها في مجملها باهتة ومشوشة إلى
حد ما. اللوحات اللي بأحجام أكبر كانت أحلى بسبب جودة الشغل اللي معمول فيها، إلا
أن اللوح في مجملها ما أثرتش فينا قوي، ودي أكثر حاجة الواحد بـ يدور عليها لما بـ
يزور معرض.
الإحساس ده فضل مسيطر علينا لحد ما شفنا قطعة كبيرة معلقة
جنب الشباك اللي على الشمال لما بـ تدخل المعرض، وبالتحديد القطعة رقم 10. وجه السيدة
دي كان مختلف، تعبيرات وجهها كانت مليانة مشاعر وحزن، ضربات الفرشة المجمعة حول رأسها
وبـ تعطى إيحاء أنه شعرها، وتعبيراتها كانت محاطة بعمق أكثر وبضربات عنيفة وكأنها
محبوسة بين جدران أسمنتية.
المجموعة اللي في الدور العلوي مهداة للزهور، ودي مشابهة
لمجموعات الفنانة السابقة، اللوحات في مجملها مشرقة. فيه لوحة منهم بـ تقابلك وأنت
طالع على السلم شكلها ميال أكثر وكأنها غابة، أو نوع من أنواع الأطعمة اللي مش واضح
هي إيه… أكل عضوي وعشوائي. فيه قطع ثانية أصغر ومربعة أكثر فيها تكوينات لورود
معلقة جنب بعضها، ورغم أن شكلهم ملفت للنظر وهما جنب بعض ما نفتكرش هـ يكونوا بنفس
الجاذبية لو كل واحدة فيهم لوحده.
تواريت، الإلهة المصرية القديمة برأس فرس النهر، كانت
إلهام للفنانة وده ما ظهرش غير في تصميم فرس النهر اللي كان موجود على باب المعرض.
رغم أن نازلي مدكور لاقت نجاح محلي ودولي، وطبعًا هو
نجاح له أساس قوي، إلا أننا لاقينا حاجات قليلة قوي تخلينا متحمسين للمعرض ده.
توزيع المطبوعات والبرامج ووجود وصف للوحات من أهم الحاجات اللي بـ يحتاجها الزوار
علشان يقدروا يستمتعوا بزيارتهم لأي معرض فني، وكنا نتمنى أنه يكون موجود في
المعرض ده كمان.
