The Definitive Guide to Living in the Capital , Cairo , Egypt

من أجمل الخروجات لما الخروجة تكون فيها نشاط ثقافي مختلف، ودايمًا القراءة هي رمز الثقافة، وده لأنها بتنور العقول وبتزيد المعرفة، وكلنا بنستنى معرض القاهرة الدولي للكتاب كل سنة علشان نروح نستمتع بشراء الكتب اللي بنحبها، لكن “القاهرة الدولي” مش هو المعرض الوحيد للكتب في القاهرة، فيه معارض تانية بتقدم قيمة كبيرة، زي ، واللي بيقام لأول مرة، وهو من تنظيم ميكروفون وورك سبيس.

تعالوا نتعرف على 10 أسباب بتخلي المعرض ده مميز ومختلف!

1- معرض كتاب المعادي هيضم 300 ألف كتاب لأهم وأحدث إصدارات دور النشر.

2- هيضم المعرض ركن مخصص للكتب القديمة والمستعملة.

3- المعرض فيه ركن خاص لكتب الأطفال والألعاب التعليمية.

4- لو بتحبوا الكتب الأجنبية فهتلاقوا ركن خاص جدًا بالكتب الإنجليزية الأكثر مبيعًا في العالم.

5- دخول المعرض مجاني.

6- تقدروا وأنتم في المعرض تعزفوا على البيانو أو تغنوا في المايك لو عندكم الموهبة.
7- المكان بيرحب بالعائلات والأصدقاء، يعني تقدروا تروحوا كأسرة أو كأصدقاء وتستمتعوا بخروجة مميزة.
8- المعرض هيكون فيه قسم للهدايا وقسم للتغليف وحاجات كتير وكمان متاح الدفع فيزا أو كاش.
9- المعرض هيكون شغال من يوم 6 حتى 16 يوليو من الساعة 9 صباحًا حتى 11 مساءً.
10- لو قررتم تروحوا، ماتنسوش تملوا استمارة التسجيل علشان يبقى ليكم هدية مجانية من المعرض.

تقدروا تعرفوا أكتر عنهم من خلال صفحة الفيسبوك من هنا.­­

العنوان: 8 ب شارع 199 متفرع من شارع 233 – دجلة المعادي.