بيضم أعمال لـ “فان جوخ” وغيره من عظماء الفن.. 11 معلومة عن متحف “محمود خليل وحرمه”
إعادة افتتاح متحف محمود خليل وحرمه عنوان متحف محمود خليل وحرمه قصر محمود خليل وحرمه متاحف فنية في القاهرة متحف محمود خليل وحرمه
Mohamed Talaat
في 2021، وبعد إغلاقه أكتر من 10 سنين، قررت الحكومة المصرية إعادة افتتاح متحف “محمد محمود خليل وحرمه”، اللي بيعتبر واحد من أهم الأماكن في القاهرة اللي بتتضمن لوحات مهمة هتعجب عشاق الفن التشكيلي العالمي.. وفي الموضوع ده هنعرفكم على المتحف العظيم ده، من خلال 11 معلومة فيهم الخلاصة:
1 – بيضم متحف “محمد محمود خليل وحرمه”، أعمال نادرة لفنانين عالميين منهم “رينوار” و”فان جوخ” و”جوجان” و”رودان” وغيرهم من عظماء الفن العالميين.
2 – المتحف في الأساس كان مقر إقامة للسياسي المصري محمود خليل من سنة 1920، وتم تشييده على الطراز الفرنسي.
3 – بتبلغ مساحة المتحف الكلية 8450 متر2، ومساحة المباني فيه بتبلغ 538.25 متر2، ومساحة الفراغ المحيط 7911.75 متر2.
4 – المتحف مكون من 4 طوابق، وبعد وفاة مالكه سنة 1953 أوصى ببكل المقتنيات اللي فيه لزوجته، وطلب إنه يتم تحويله لمتحف بيتبع الحكومة المصرية بعد رحيلها، وهو الأمر اللي حصل بالفعل.
5 – افتتاح القصر كمتحف لأول مرة كان سنة 1962، لكن تم نقله بعدها لقصر الأمير عمرو إبراهيم بالزمالك سنة 1971، ثم أعيد افتتاحه سنة 1979.
6 – بيضم المتحف مقتنيات مهمة، منها عدد من اللوحات الزيتية والمائية والباستيل بيصل عددها لـ 304 لوحة من إبداع 143 فنان، من بينها 30 لوحة لـ 9 مصورين.
7 – عدد التماثيل البرونزية والرخامية والجبسية في المتحف بيوصل لحوالي 50 تمثال من صنع 14 مثال، ده غير مجموعة أعمال فنية لأعظم فناني القرن التاسع عشر.
8 – المتحف تم إغلاقه سنة 2010، وبدأت أعمال تطويره عام 2014، وضمت عدة مراحل منها كل الأعمال والمعالجات الإنشائية من شبكات التكييف والتهوية، ومنظومة الكهرباء والمياه، ومكافحة الحريق وتطوير نظم الإطفاء، وتحديث نظم الأمن والمراقبة، وتطوير محطة الطاقة الرئيسية.
9 – تطوير المتحف شمل كمان تحديث تجهيزات المتحف ككل، وتحديث سيناريو العرض المتحفي، بالإضافة لإضافة خدمات للجمهور.
10 – من الأعمال المميزة الموجودة في المتحف، أعمال للقنانين العظماء “كلود مونيه”، “لوتريك”، “إدوار مانيه”، “الفريد سيسلي”، “رودان”، “ديجا”، ده غير بعض أعمال فناني المدرسة الرومانتيكية ومنهم “فرومتان”، “ديلاكروا”، “باري آنطون لويس”، وفناني المدرسة الكلاسيكية ومنهم “روبنز”، “فانترهالتر”.
11 – من الحاجات الجميلة في المتحف كمان، مجموعة فازات وأواني من الخزف والبورسلين من فرنسا وتركيا وإيران والصين بالإضافة إلى بعض التحف الصينية الدقيقة والمصنوعة من الأحجار النصف كريمة.
عنوان المتحف: 1 شارع كافور- الدقي- الجيزة – بجوار مجلس الدولة.
مواعيد العمل: من 8 صباحًا إلى 5 مساءً.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
