بعد البحر: مركز ثقافي فني ومكتبة جديدة في وسط البلد
Serena Belcastro
في الذكرى الأولى لثورة 25 يناير شفنا
مناسبات وأنشطة ثقافية وفنية كثيرة اللي بـ يحتفلوا ومازالوا بـ يحتفلوا بالحدث
التاريخي المهم في مصر وهي الثورة. في 29 يناير افتتح المركز الثقافي “بعد
البحر – Baad EL Bahr Culture Association” أو اختصارًا “بيبا – BEBA” فتح في مكان
جديد في شارع حسين المعمار باشا في وسط البلد.
“بعد البحر” يعتبر منظمة
غير ربحية أسست عام 2008 وأصحابه كان لهم نشاط في الفن والثقافة المصرية. كل مؤسسي
المكان من دول وخلفيات مختلفة، وكان غرضهم أنهم يخلقوا حاجة جديدة ومختلفة وبعيدة
عن الطريقة الأكاديمية في التفكير وكانوا على استعداد لنشر اتجاهات الفكر المعاصر
من خلال أعمال وأنشطة ثقافية.
“بيبا” بدأت عملها أساسًا
من “جاليري المشربية”، مدير الجاليري نفسه كان من المؤسسين لـ “بيبا”.
ووقتها ما كانوش بـ يعقدوا اجتماعات دورية وكان معظم المجموعة مكونة من متطوعين، وناس
بـ يعملوا بالقطعة وكانوا بـ يشتغلوا بميزانية صغيرة. في الوقت الحالي فيه 5 أعضاء
معتمدين من 25 شخص آخرين.
كونها شريك في مهرجان الأفلام
المستقلة “مصري أصلي” أعضاء “بيبا” حساسين تجاه الفنانين
الصغار. والهدف هو تشجعيهم ودعمهم وكمان تشجيع الابتكار والإبداع وحرية التعبير في
البانوراما الفنية المصرية. احتضنوا الأعضاء التغيرات السياسية والاجتماعية اللي
حصلت في العام الماضي وأصبح هدفهم هو المساهمة في عملية الإصلاح عن طريق استخدام أساليبهم
الخاصة بهم من ناحية دعم الأحداث الثقافية والفنية.
ودعم المركز أهدافه عن طريق تعزيز الفن المعاصر، ووضع استراتيجيات
التفكير وتنظيم المعارض على أسس ومفاهيم جديدة ومبتكرة في آخر 2009 من خلال مشروع
“”Invisible Presence: Looking at the Body in Contemporary
Egyptian Art وهو مشروع تحفيزي، مشروع “بيبا” ده ركز على إزاي جسم
الإنسان بـ يعيش في مجتمع غير محسوس وبـ يحدث فيه تغيرات بوعي أو بدون وعي.
في 2010 “بيبا” نجحت في أنها تنظم أول “مهرجان
البحر الأبيض المتوسط الأدبي: الأدب والفكاهة” والمرة الثانية للمهرجان كان
في 2011 وكان بعنوان “الأدب والمدينة” وركز المهرجان على العلاقة ما بين
الأدب والبيئة الحضارية. أما المرة الثالثة فهو عنوانه “الأدب والجسد”
وده هـ يكون في الأسبوع الأول من شهر مايو 2012 وهـ يركز على الأساليب المختلفة للجسد
اللي ممكن يمر بها الإنسان في الأدب.
مشروعهم الأخيرfrom
rages to riches هو مشروع طموح جدًا وبـ يدعمه
الاتحاد الأوربي. “بيبا” حبوا أنهم يقدموا طريقة تفكير حديثة عن الفن
العام وتحفيز المصريين والشعب المصري على استخدام فن “upcycled” للتعبير عن الرأي السياسي والاجتماعي. Upcycled هو نظام تحويل المواد غير المستخدمة والمتخلص منها وتحويلها إلى
قطع فنية لها مفاهيم وقيم، المشروع هـ يخلص مع معرض ضخم يضم الأعمال الفنية في
حديقة الأزهر في ربيع 2013.
دلوقتي، المركز بـ يعمل ورش عمل ودروس زي يوجا كل يوم أحد بالليل
مع المدربة “ريبيكا بورتويس” بالتعاون مع جرافيتيوس اللي بـ يشتغل فقط مع
المواد المعاد تدويرها. وفيه دروس شهرية لـ كيوكونج، تايتشي وكونجفو مع كاثرين
جودارد. الدروس دي هـ تساعد المشاركين بكل مستويات اللياقة البدنية للتواصل مع أجسامهم
أكثر وللإحساس بالحيوية اللي مقتبسة من تقليد قديم وكمان ممكن أنه يقلل توتر
الحياة الحديثة. فيه خطط لعمل جولات تتكلم عن مصر وكمان عروض سينمائية.
الإشتراك السنوي في “بيبا” بـ 150 جنيه و100 جنيه للأقل من 25 سنة و كمان بـ يقدموا نشرات
ودعوات لافتتاح المعارض وإشعار قبل أي أحداث فنية أو ثقافية مهمة وتخفيض على ورش
العمل والكورسات وكمان تقدر تروح المكتبة اللي بـ تضم كتب إيطالية، مصرية وإنجليزية
للكبار والصغار للبيع وللاستعارة، وكمان مطبوعات “بعد البحر” وهي ترجمة
لقصص قصيرة وروايات إيطالية معاصرة إلى العربية. وفيه لائحة بأسماء الكتب الموجودة
عندهم على الموقع، وكمان “بيبا” بـ تعقد مرة شهريًا اجتماع خاص لكل
أعضائها لتوليد أفكار جديدة.
لو حابب تعرف أكثر عن مركز بعد البحر ونشاطاتهم للعام القادم
ادخل على الموقع بتاعهم.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
