فن وثقافة
بالفن القبطي القديم… شاب مصري بيحلم بتحويل حوائط القاهرة لمتحف فني مفتوح
القاهرة الفاطمية جرافيتي فادي عبد المسيح فن الشارع فن روماني فن قبطي لوحات
بواسطة
Mohamed Talaat
بعد ثورة 25 يناير، انتشر فن “الجرافيتي”، وبقت معظم شوارع مصر مرسومة بيه، ولكن كانت كل الرسومات “عشوائية”، وكمان مفيش تنسيق “حضاري”، ممكن يخليها تبقى علامة بارزة تتجمل بيها شوارع القاهرة، ده غير الكتابة العشوائية في الشوارع اللي شوفت الحوائط، زي مدرس بيعلن عن دروس خصوصية يكتب على الحيطان، وحبيب بيجامل حبيبته، وهكذا.
فادي عبد المسيح، شاب مصري، 25 عام، مهندس معماري، عنده فكرة مبتكرة يجمل بيها القاهرة من تاني، ويزيل آثار العوامل الطبيعية والإنسانية، على حيطان البيوت القديمة خصوصاً في القاهرة الفاطمية.
مشروع فادي الفني اسمه “فن الماضي.. جمال مفقود”، وفكرته جاءت بعد زيادة تشوه الجدران، اللي زادت بعد الثورة، وكمان بسبب فوضى خطاطين الانتخابات والدروس الخصوصية.
فادي بيقول لـ”كايرو 360″، أن الفكرة جات له به لما تخيل كل شوارع مصر حيطانها مرسومة بالفن القبطي والروماني والبيزنطي القديم، وفعلًا قرر أنه يدور على الصور بتاعتهم، واستخدم برامج التصميمات، وبدأ ينفذ فكرته اللي بيتمنى تتطبق والمسئولين يوافقوا عليها، لأنه شايف أن دا هيزود جمال الشوارع، وهتيقى متحف مفتوح، ومع مرور الزمن الحوائط هتبقى أثرية وقيمتها تزيد.
وكمان فادي بيتمنى إن الناس لما تشوف الرسومات دي تقرأ معلومات عنها، علشان تعرف قصتها وتاريخها، “لو الرسومات عجبت الناس أكيد هيدوروا على أصل وتاريخ كل رسمة، ويستمتعوا بيها، ويعرفوا كل تفصيلة فيها”.
كايرو 360 تواصلت مع المهندس محمد أبوسعدة، رئيس الجهاز القومي للتنسيق الحضاري، بصفته متخصص بالحفاظ على “جمال القاهرة”، ومبانيها، وبعتنا له نماذج من رسومات فادي، ورحب بيها وطلب أن يقابله في مقر الجهاز لعرض الفكرة كاملة علشان ينسق معاه تنفيذ المشروع.
نتمنى الفكرة تتنفذ فعلًا.. ونشوفها على حوائط القاهرة.
مقترح
الحياة في كايرو
موضوع مميز
خطوات استخراج توكيل رسمي من موبايلك بسهولة عبر بوابة مصر الرقمية
استخراج توكيل رسمي اونلاين رقم طلب سياة التوثيق +4
معالم وسياحة
موضوع مميز
قصر الأمير طاز.. بوابة سحرية لعصر المماليك في قلب القاهرة (صور)
المماليك تاريخ قصر الأمير طاز +5
معالم وسياحة
موضوع مميز
