الويك إند أحلى مع الهضبة في جولف بورتو مارينا
الساحل الشمالي الهضبة بورتو جولف مارينا عمرو دياب مارينا
Cairo 360
عشاق عمرو دياب على ميعاد مع حفلة مميزة جدًا للهضبة، ومختلفة عن أغلب حفلاته اللي فاتت بسبب إنها هتكون في مكان مميز جدًا وهو جولف بورتو مارينا.
الحفلة هتكون يوم الخميس 30 أغسطس في الساحل الشمالي.
وهيغني الهضبة في الحفلة، اللي هتبدأ الساعة 8 مساءً، أجمل أغانيه اللي بتعجب عشاقه من كل الأعمار، واللي دايمًا بيحضروا بأعداد كبيرة في جولف بورتو مارينا اللي بتسعد عملاءها كل سنة.
طبعًا عمرو دياب هيكون هو نجم الحفلة، لكن فيه نجم تاني لازم نتكلم عنه.. وهو المكان المميز اللي هيشهد الحفلة، أيوة بنتكلم عن مشروع جولف بورتو مارينا اللي اتعمل في 2006 على مساحة 1.2 مليون متر مربع.
وهو منتجع سياحي راقي في قلب الطبيعة الساحرة في الساحل الشمالي. والمشروع اتعمل عشان تستمتع بالهدوء والبحر والمناظر الطبيعية الجميلة وتبعد عن وروتين الحياة اليومية.
وبعد الحفلة لو حبيت تلعب جولف هتلاقي في انتظارك ملعب عالمي فيه 18 حفرة. والمشروع كمان فيه بحيرة كرستال لاجونز مساحتها 27 الف متر وحمامات سباحة وملاعب وجو كارتينج وأكوا.
كمان جولف بورتو مارينا فيها أطول مشاية في الساحل الشمالي ونافورة راقصة ومجموعة من أكبر المطاعم والمحلات العالمية. وبيضم جولف بورتو مارينا باقة من الشقق الفندقية بمساحات متنوعة.
مقترح
الحياة في كايرو
دليلك الكامل لحجز شقة في سكن لكل المصريين 5: خطوات بسيطة وسهلة
أسعار شقق سكن لكل المصريين 5 إجراءات حجز شقق سكن لكل المصريين 5 +18
تليفزيون
