في المتحف المصرى الكبير.. 9 معلومات عن “معرض توت عنخ آمون التفاعلي”
الحضارة المصرية القديمة المتحف المصري الكبير زيارة المتحف المصري الكبير فعاليات المتحف المصري الكبير معارض فرعونية في القاهرة معرض توت عنخ آمون التفاعلي
Cairo 360
مؤخرًا، أعلن المتحف المصري الكبير عن إستضافة حدث مميز هيهم كل عشاق الحضارة المصرية القديمة، وهو “معرض توت عنخ آمون التفاعلي”.. وعلشان تخوض التجربة المصرية الخالصة دي، هنقول لك في الموضوع ده على كل اللي محتاج تعرفه عن المعرض، وطريقة الحجز. يلا نبدأ الرحلة!
1 – “معرض توت عنخ آمون التفاعلي” بيستضيفه المتحف المصري الكبير بالشراكة مع مؤسسة مدريد آرتيس ديجيتاليس الإسبانية، واختيار شهر نوفمبر لاستضافة المعرض ده، سببه تزامن الشهر مع اكتشاف مقبرة الملك توت عنخ آمون قبل أكثر من 100 سنة.
2 – هيقدم المعرض التفاعلي قصة الملك توت عنخ آمون بأسلوب إبداعي جديد ومختلف.
3 – من خلال التجربة التفاعلية دي، وباستخدام أحدث أجهزة العرض الرقمية، هيشوف الزائر نفسه في حياة الملك الأسطوري توت عنخ آمون، وهينطلق في رحلة سمعية وبصرية رائعة بتمتد لأكثر من 3400 سنة من التاريخ.
4 – التجربة هتخليك تستكشف المعابد والكنوز والأسرار المعاد إحيائها من مصر القديمة، من خلال عرض بصري بزاوية 360 درجة، مع موسيقى تصويرية استثنائية.
5 – بتشمل التجربة الكاملة عرض تفاعلي مدته 30 دقيقة وجولة إرشادية مدتها 45 دقيقة في البهو العظيم والبهو الزجاجي.
6 – التجربة متاحة باللغتين الإنجليزية والعربية.
7 – هتبدأ الجولات الإرشادية كل ساعة من الساعة 10 صباحًا حتى 9 مساءً، وشرط إن الأطفال اللي بتقل أعمارهم عن 13 سنة برفقة شخص بالغ طول الوقت.
8 – التذاكر غير قابلة للاسترداد وغير قابلة للتحويل.
9 – للحجوزات ولمعرفة تفاصيل أكثر تقدروا تتواصلوا مع الإيميل ده: legacy.booking@hassanallam.com.
