The Definitive Guide to Living in the Capital , Cairo , Egypt

القراءة هي باب بينقلك لعالم من الخيال والمتعة والثقافة، ومع الكتب أنت بتتحول لإنسان مختلف، فاهم الحياة صح، وقادر ينجح، وعنده معلومات تخلي عنده شخصية مستقلة. وفي القاهرة كتير من المكتبات العامة، اخترنا لكم في الموضوع ده أهمها وأشهرها، وكلها بتقدم لك مجموعة من أهم الكتب في كافة المجالات، ده غير العروض الثقافية والندوات.

تعالوا نتعرف على أهم المكتبات العامة في القاهرة!

مكتبة مصر العامة بالجيزة

 أكثر المكتبات العامة شهرة، ليها فروع في تانية داخل القاهرة الكبرى، زي الزيتون ووالزاوية الحمراء، لكن فرع الجيزة، اللي في شارع الطحاوية هو الأشهر.

بتقبل المكتبة فى عضويتها جميع فئات المجتمع بداية من ثلاث سنوات، وبيتمتع العضو بجميع الخدمات اللي بتقدمها المكتبة، وبتكون العضوية فردية أو عائلية، وقيمة الاشتراك رمزية.

مكتبة مصر الجديدة

 واحدة من أكبر وأهم المكتبات في القاهرة، وهي تابعة لجمعية مصر الجديدة الثقافية. بتقدم عدد من الأنشطة والفعاليات المجانية للجمهور، ومقرها في مصر الجديدة. بتقدم المكتبة خدمات الإطلاع الداخلي، والاستعارة الخارجية، وكمان بتعمل ندوات وحفلات، وصالون ثقافي.

مكتبة القاهرة الكبرى

بيقام فيها فعاليات فنية وثقافية متنوعة، وفيها كتير من الكتب اللي بتغطي مجالات مختلفة للكبار وللأطفال، ده غير الأنشطة اللي بتقدمها ومنها الرسم والتمثيل وعروض الأفلام، ومقرها في الزمالك.

مكتبة المعادي العامة

بتقدم مكتبة المعادي العامة كتير من الأنشطة المتنوعة للأطفال من علوم ورسم ومشغولات، ده غير تعليم اللغات والزومبا واليوجا بجانب رحلات للأماكن التاريخية.

 كمان بتقدم المكتبة مجموعة كبيرة من الخدمات المكتبية والمعلوماتية ودورات الكمبيوتر واللغات والأنشطة الثقافية والعلمية والفنية، وموجود في المكتبة نادي سينما بيعرض أحدث الأفلام السينمائية للأطفال.

مكتبة 6 أكتوبر

مكتبة تابعة لدار الكتب والوثائق القومية، بتقدم كتير من الخدمات المجتمعية بأسعار رمزية زي كورسات الكمبيوتر واللغات وورش تعليم الخط والرسم على الزجاج والتلوين.