The Definitive Guide to Living in the Capital , Cairo , Egypt

مهرجان الجونة السينمائي الدولين هيعرض النهارده، فيلم “الفارس والأميرة”، في عرض أول، وهو من تأليف وإخراج بشير الديك وإبراهيم موسى، والفيلم هو أول فيلم عربي متحرك طويل، واستغرق إنجازه 20 سنة، ومن إنتاج شركة السحر للرسوم المتحركة، ومن بطولة مدحت صالح ومحمد هنيدي ودنيا سمير غانم وماجد الكدوانى وعبدالرحمن أبوزهرة وغسان مطر وعبلة كامل وسعيد صالح وأمينة رزق.

قصة الفيلم بتحكي عن الفارس العربي محمد بن القاسم الثقفي، اللي حرر كتير من السيدات والأطفال من أسر قراصنة المحيط الهندي، واشتهر بغزواته العسكرية لبلاد السند.. الفيلم اتكلف إنتاجه 10 مليون جنيه، وكان واجه كتير من المشاكل وصلت انه توقف تصويره لمدة 10 سنين قبل كده.

وفي تصريحات صحفية سابقة،  قال بشير الديك إن الفيلم ده بيقدم توليفة فنية من كبار النجوم وفيه 4 أغاني من غناء دنيا سمير غانم، وأنه رسوم الكاريكاتير اترسمت بعد ما انتهوا من تسجيل الصوت، واللي رسمها فنان الكاريكاتير الراحل، مصطفى حسين، وتم تجهيز الفيلم عن طريق البعد الثاني، وهي الطريقة الأصعب لأن لازم يتم تنفيذها على الورق مش كمبيوتر، وده بيحتاج مجهود جبار، ولكن النتيجة كانت مبهرة، بحسب بشير الديك.