The Definitive Guide to Living in the Capital , Cairo , Egypt

الفعاليات الفنية والثقافية في القاهرة مبهجة! بنشوف فيها أفكار مبتكرة ومختلفة الهدف منها إن سكان العاصمة المصرية وزوارها ينبسطوا وفي نفس الوقت يتعرفوا على تجارب فنية مميزة. ومن الفعاليات المبهجة اللي بننصحكم تحضروها في القاهرة، المهرجان الصيفي اللي بتنظمه دار الأوبرا المصرية، واللي هنستمتع من خلاله بأجمل المونولوجات والاسكتشات القديمة، واللي هيقدمها لنا بشكل عصري مجموعة من طلاب وخريجي كلية التربية الموسيقية بجامعة حلوان.

تعالوا نعرف التفاصيل:

هينطلق مهرجان “مونولوج.. من فات قديمه تاه” الساعة 8.30 مساءً يوم السبت 15 يوليو الجاري على المسرح المكشوف بدار الأوبرا المصرية بوسط القاهرة، وسعر التذكرة هيكون 110 جنيه.

أبطال المهرجان ده هم فريق استوديو العاصمة، اللي بيضم نخبة من طلاب وخريجي كلية التربية الموسيقية بجامعة حلوان، من عشاق المسرح الغنائي.

هيتضمن برنامج المهرجان مجموعة من المونولوجات والاسكتشات والثنائيات الغنائية المسرحية والسينمائية الشهيرة اللي قدمها نجوم الأبيض والأسود بأسلوب ساخر وكوميدي، منها: عيب اعمل معروف، نبوية، ليلي طال، الحب بهدلة، متستعجبشي متستغربشي، أهل الفن، الفول، أما أنت جرئ والله، ميمي وفيفي، يا عريس الغفلة، الراجل ده هيجنني، عاوز أروح، إحنا التلاتة، مراتي نساية، قلبي يا غاوي خمس قارات، إدي العيش لخبازه، يا سلام على حبي وحبك، العقلاء، الدنيا ليه متعبة، صاحب السعادة.

هنسمع كل اللي فات ده بأداء الفنانين الشباب إبراهيم سعيد، أدهم مراد، هاجر أحمد، داليا سمير، سمر محمد، رحاب خطاب، عبد العزيز محمد، شروق النوبي، ليديا ذكي، مصطفى مهلل، مهاب رجب، محمد مصطفى، محمود عزمي، محمود إيهاب، ملك عاطف، مؤمن عماد، نغم وائل، هاجر أحمد، يوسف  الصافوري، وفي الأداء التمثيلي دكتور هاني عبد الناصر، مريم ناظم، يوسف طارق.

فن المونولوج

فن المونولوج هو واحد من الفنون الشعبية المصرية المتوارثة، كان له شعبية كبيرة زمان، بيرصد وبينتقد بطريقة فنية السلبيات الموجودة في المجتمع. بإطار كوميدي ساخر وجذاب أقرب لطبيعة الشخصية المصرية.

محتاج تفاصيل أكثر؟ اضغط هنا.