7 نصائح من “الصحة العالمية” لتجنب الإصابة بـ “كورونا”
فيروس كورونا كورونا مصر منظمة الصحة العالمية نصائح طبية نصائح لتجنب كورونا
Mohamed Talaat
من الأخبار الإيجابية إن بلدنا مصر مافيهاش أي حالات مؤكدة لحد النهارده بفيروس كورونا، على عكس دول كتير، لكن ده مايمنعش إننا نأمن نفسنا كويس، وننفذ نصائح منظمة الصحة العالمية، اللي قادرة إنها تحمينا من الإصابة بالفيروس ده، وعلشان كده هنقدملكم 7 نصائح طبية لتجنب الإصابة بـ “كورونا”، زي ما نشرتها منظمة الصحة العالمية على موقعها الرسمي.
1- اغسلوا إيديكم بالمياه والصابون دايمًا.
2- وقت العطس والكحة، غطوا الأنف والفم.
3- بلاش تواصل مع أي شخص بتظهر عليه أعراض الجهاز التنفسي “كحة – عطس”.
4- بلاش أي تواصل مع أي شخص عنده التهاب حاد في الجهاز التنفسي.
5- لو بتتعاملوا مع حيوانات من أي نوع، لازم تلبسوا قفازات وتحموا نفسكم من التواصل المباشر معاها.
6- لو أنتم أشخاص عندكم كحة حافظوا على مسافة بينكم وبين الأشخاص التانيين، وغطوا الأنف والفم، واغسلوا إيديكم بعدها.
7- لو هتروحوا مكان طبي لازم تتبعوا تعليمات الوقاية من العدوى ومكافحتها خاصة في أقسام الطوارئ.
ألف سلامة على كل أهل مصر.
