The Definitive Guide to Living in the Capital , Cairo , Egypt

كتير مننا في الفترة دي بيستمتع بالأجازة في المصيف، على شاطئ البحر، لكن دايمًا المشكلة هي اسمرار البشرة والتهاباتها اللي بيسببها التعرض لأشعة الشمس..

طب إيه الحل في المشكلة دي؟ في السطور الجاية هنتكلم معاكم عن 6 نصائح مهمة جبناها لكم من خبراء التجميل والجلدية. علشان المصيف يبقى انبساط وراحة واستجمام.. ومن غير مشاكل صحية.

لازم نحرص على ارتداء النظارة الشمسية بشكل دايم، ونوع النضارة لازم يكون كويس.. ونشتريها من محل بيبيع نضارات بجودة عالية، ونبعد تمامًا عن النضارات اللي بتتباع على الرصيف.

مهم ناخد بالنا إن النضارة مش كفاية لوحدها، لازم يكون معانا كمان نوع كويس من واقي الشمس، وكريم مرطب، ونستخدمهم بشكل متكرر.

لازم نستخدم كاب كويس ومن خامة جيدة وإحنا على الشاطيء، حتى لو كنا قاعدين تحت شمسية.

لازم ناخد معانا المصيف منتج طبي اسمه “الكالاميل” وده سعره مناسب جدًا وموجود في أي صيدلية، ونستخدمه يوميًا لترطيب الالتهابات بعد البحر قبل النوم.

طول وجودنا على الشاطئ لازم نشرب كمية مياه كبيرة، ده بيرطب البشرة وبيحميها.

بعد انتهاء أجازتنا لازم نروح أقرب صيدلية ونشتري كريم تفتيح من نوع كويس ومن شركة كبيرة.

مصيف سعيد!