Omar Abd-elmaqsoud
هيئة الأرصاد الجوية حذرت من موجة حر ممكن تكون شديدة على بعض الناس خلال الأيام الجاية، وخصوصًا الناس اللي بتتعرض في شغلها للشمس والحراراة بشكل مباشر، ده غير فترة الصيام الطويلة واللي هيكون صعب فيها تعويض الماء اللي بيفقده الجسم خلال موجة الحر دي، وبالتالي بنقدملكم بعض النصايح الخاصة بكيفية مواجهة الحر الشديد من خلال الاستعداد ليها في وجبة السحور.
مهم جدًا في وجبة السحور بتاعتك إن يكون فيها كمية مش قليلة من الخضراوات اللي فيها نسبة ماء عالية، لإنها بتساهم بشكل كبير في تعويض الجسم عن الماء اللي بيفقده خلال فترات الصيام والحر والشمس، وده بسبب احتوائها على كمية ألياف كبيرة بتساعدها على تخزين الماء جواها، وبالتالي لما بناكلها بتدي أجسامنا الماء ده بس بشكل تدريجي على مدار اليوم، وبالتالي مش حنحس بالعطش أو الجفاف.
ومن الخضراوات المهمة دي :
الخيار:
الخيار من الخضراوات المليانة بالألياف، وبالتالي بتساهم في تقليل الإحساس بالعطش خلال ساعات الصيام الطويلة، علشان كده حاول تكتر من الخيار خلال وجبة السحور.
الخس:
من الخضراوات اللي فيها نسبة عالية من الماء، علشان كده حاول تاكل منه بشكل مستمر من بعد الفطار لحد السحور.
الكرفس:
على الرغم من إنه مش مشهور أوي عندنا في مصر، إلا إن الكرفس واحد من أفضل أنواع الخضروات في موضوع نسبة الماء العالية فيه.
الفجل:
الفجل فيه عناصر غذائية مهمة للجسم في فترة الصيام وخلال حالات النشاط، ولإنه طعمه لاذع شوية، فممكن يتضاف على طبق السلطة الخضرا.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
