بلو بوول – Health Club Blue Pool & Spa
نادي صحي وجيم فندق سفير: حمام سباحة وسبا بأسعار معقولة في الدقي
-
22 شارع رفاعه، ميدان المساحة
-
Anne de Groot
صحيح
الصيف خلص لكن ده لا يعني أننا نبطل نروح الجيم أو ننزل حمام سباحة، ومع العدد
اللانهائي لصالات الجيم في القاهرة الاختيار بـ يبقى صعب. الأماكن اللُقطة عادة بـ
تبقى موجودة داخل الفنادق، وميزتها كمان أنك بـ يبقى مسموح لك تستخدم حمام السباحة.
يمكن الدنيا بدأت تبرد شوية دلوقتي لكن ممكن تأخذ فكرة وتستعد من دلوقتي للصيف
اللي جاي.
موجود
في ميدان المساحة في الدقي، وفيه جيم مفتوح لغير النزلاء وعروض لاستخدام حمام
السباحة بعد الجيم. أول ما تدخل الفندق امشي ناحية اليمين واطلع دور واحد على
السلالم اللي خلف البيانو هـ تلاقي الجيم والسبا على يمينك وحمام السباحة على
الشمال. الجيم نفسه مساحته صغيرة جدًا، لكن غالبًا ما بـ يكون فاضي وممكن تبقى بـ
تتمرن فيه لوحدك.
أجهزة
التدريب مش أحدث حاجة ممكن تلاقيها، لكن كلها في حالة جيدة. كان فيه مشايتين
وعجلتين لتدريبات الاستطالة. وفيه مجموعة من أجهزة القوة والدفع. ولاحظنا أن فيه
نقص في أجهزة عضلات البطن، والبديل كان أننا نعمل تمارين البطن العادية على
الستاند التقليدي. على غير كده كان فيه أجهزة كافية للظهر والقدم والذراع والصدر.
فيه
تليفزيون داخل الصالة ومن حقك تغير القنوات لو حبيت. فيه مدرب شخصي موجود في
المكان لو احتجت مساعدة على الأجهزة، لكن غير كده أنت مسؤول عن نفسك وعن تدريباتك
وما حدش بـ يتدخل من نفسه وعمومًا الأجهزة سهلة الاستخدام يعني مش هـ تواجهك أي
صعوبات من أي نوع. لو الجو بدأ يبقى حر بعد شوية وقت من التدريب ممكن تضبط التكييف
على حسب رغبتك. وقت زيارتنا كنا الوحيدين في المكان وده كان شئ ظريف جدًا. لأننا
متخيلين المكان الصغير ده لو ازدحم هـ يبقى عامل إزاي وكمان مع العدد المحدود من
الأجهزة.
أحسن
حاجة فيما يخص العضوية في المكان أنك لك عدد مرات دخول غير محدودة لحمام السباحة
الكبير الموجود في الفندق، وممكن تقعد على واحد من الكراسي المنفوخة أو السراير
اللي حول الحمام. مشكلة الحمام أنه مش بـ توصل له الشمس وقت الصبح بسبب المباني
اللي حوله، والتدفئة مش موجودة؛ وده بـ يخليه مثالي في الصيف وبارد جدًا في الوقت
ده من السنة.
السبا
جنب غرف الملابس الصغيرة هي كمان. فيه غرفة بخار وساونا وجاكوزي، كل الغرف نظيفة
وممكن تضبط نظام الجاكوزي حسب الرغبة. وفيه كمية من الفوط حولك، يعني مش لازم تأخذ
واحدة معاك وأنت رايح.
عضوية لمدة سنة هـ تكلفك 3600 جنيه، والـ 6 شهور بـ 2100
جنيه، والـ 3 شهور 1650 جنيه والشهر بـ 700 جنيه. صحيح مساحة الجيم مش كبيرة، لكن
الاستفادة الحقيقية هي استخدام السبا وحمام السباحة طول مدة الاشتراك وده مش متوفر
في صالات الجيم العادية، فالأسعار تعتبر معقولة بالمقارنة بالأماكن الثانية اللي لها
نفس الأسعار ومافيهاش حمامات سباحة.
أكتب تقييم
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
