منهم أكلة بتظبط الحالة المزاجية للصائم.. 5 أطعمة على السحور هتخليك نشيط طول اليوم
أطعمة للنشاط في رمضان أطعمة مهمة على السحور أفضل سحور أكلات مفيدة على السحور السحور الصحي
Cairo 360
مفتاح السر للحفاظ على النشاط والحيوية في نهار رمضان هو السحور الصحي، وعلشان ماتحسش بأي تعب طول النهار في رمضان، خصوصًا مع ارتفاع درجات الحرارة في الأيام الجاية، لازم يكون سحورك سليم ومليان بأطعمة قادرة على الحفاظ على مستويات الطاقة في جسمك.
وفيه 5 أطعمة مهم تكون على مائدة السحور الخاصة بيك علشان يومك يكون مليان صحة وطاقة ونشاط. تعالوا نعرفهم مع بعض:
البيض
مهم سحورك يحتوي على البيض، وده لإنه واحد من أكثر الأطعمة المغذية والغنية جدًا بالبروتين، والبيض أكلة مهمة قادرة تخليك حاسس بالشبع طول نهار رمضان.
الأفوكادو
الأفوكادو غني جدًا بالألياف، وهو طعام صحي جدًا، ورغم إننا في مصر مش متعودين إنه يكون موجود على السحور لكن واضح إنه آن الأوان نغير الأمر ده، ومهم تعرف كمان إن الافوكادو بيساهم بشكل كبير في إنقاص الوزن وبيقلل ارتفاع نسبة السكر.
الفول المدمس
وطبعًا ده أهم الأطباق على مائدة السحور، وهو أكلة سحرية قادرة بدرجة كبيرة على منح الجسم الشعور بالشبع والقدرة على مواجهة ساعات الصيام من غير ما نحس بجوع، وبيحتوي الفول على الدهون المشبعة وعلى تركيز عالي من الثيامين وفيتامين ك وفيتامين ب 6 والبوتاسيوم والنحاس والسيلينيوم والزنك والمغنيسيوم، وده كله بيساعد على تحسين وظائف المخ ورفع مستويات بعض المركبات الكيميائية داخل الدماغ زي مركب الدوبامين .
الزبادي
الزبادي مليان بالبروبيوتيك، وبيحتوي على كمية مناسبة من البروتين، ده غير إنه منخفض في الكربوهيدرات وبيساعد كمان على منع العطش.
الخيار
الخيار غني بالسوائل المفيدة لجسم الانسان، وهو مرطب قوي وبيقي الجسم من العطش وبيدي شعور بالشبع، كمان الخيار مهدئ للاعصاب ومزيل للتوتر وبيساعد على ضبط النفس واعتدال الحالة المزاجية للصائم، وبيحافظ على نضارة الجلد ونعومته وبيغذي عضلات الوجه وبيمنع علامات الإجهاد.
كل سنة وأنتم طيبين.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
