The Definitive Guide to Living in the Capital , Cairo , Egypt

كل الأشخاص معرضين لنزلات البرد في الشتاء، خصوصًا مع الجو المتقلب اللي بنعاني منه الفترة دي في القاهرة، لكن هل فكرتم إزاي تواجهوا نزلات البرد بطريقة علمية؟ في السطور الجاية هنقول لكم على نصائح بسيطة وسهلة ومضمونة نشرتها مجلة “فرويندين” الألمانية هتساعدكم على التغلب على نزلات البرد.

1- ‫اغسلوا إيديكم بانتظام

‫مهم تعرفوا إن مسببات الأمراض بتنتشر على مقابض الأبواب ودرابزين السلم وفي محطات المترو وغيرها، وبتنتقل المسببات دي من الشخص المريض للشخص السليم من خلال ملامسة الحاجات دي، وعلشان كده المجلة الألمانية بتنصحكم تغسلوا إيديكم كويس جدًا، و‫بانتظام، وتجنب لمس العين والفم أو الأنف باليد إلا بعد تنظيفها.

2- ‫الابتعاد عن التوتر

التوتر بيساهم في إضعاف الجسم وإنهاك الجهاز المناعي بشكل كبير، وعلشان كده بتنصحكم المجلة بالاسترخاء والتحلي بالهدوء، خصوصًا خلال موسم انتشار نزلات البرد.

3- ‫النوم لمدة كافية

‫بيساعد النوم على تجديد حيوية الجسم وتقوية الجهاز المناعي والحد من ‫التوتر، كمان بيعتبر من الأمور المهمة جدًا لمعظم العمليات الحيوية اللي ب‫تتم في الجسم، ونصحت المجلة الألمانية بالتخطيط للمهام اليومية بشكل جيد ‫للتمكن من النوم في الوقت المحدد.

4- ‫النظام الغذائي المتوازن

‫النظام الغذائي الصحي والمتوازن بيساعد على ‫تقوية الجهاز المناعي، وبيخليه أقل عرضة للإصابة بالأمراض، وولازم يحتوي ‫النظام الغذائي على نسبة كافية من العناصر الغذائية المهمة، زي ‫الفيتامينات والمعادن.

ألف سلامة عليكم يا أهل القاهرة!