مفيد للقلب وبيحارب الاكتئاب… اعرفوا فوائد أكل السمك السحرية
أسماك أكلة سمك أهمية السمك أوميجا3 سمك علاج الاكتئاب علاج الزهايمر فوائد السمك فيش ماركت قدورة مطاعم أسماك
Cairo 360
لما يكون نفسك في أكلة معتبرة تديك طاقة وتنعشك، مافيش أحلى ولا أرخص من السمك، لكن اللي ماتعرفوش إن السمك فوائده أكتر مما تتصور.. تعالوا نعرف أهم الفوائد دي من السطور الجاية.
أكل السمك بيحسن مستوى المادة الرمادية في دماغ الإنسان، وكمان بيحمي خلايا مهمة بتقلل من الإصابة بمرض الزهايمر خصوصًا عند كبار السن..
ده غير أن السمك بيحتوي على نسبة كبيرة من أحماض “أوميجا 3” وده بيخليه مفيد لصحة القلب لأنه بيساعد على خفض ضغط الدم والحماية من الجلطات الدموية.
وبحسب مجلة “ذا جورنال أوف بسكياتري آند نوروساينس” فأكل السمك بيساعد على محاربة الاكتئاب، لأن الزيوت الموجودة في الغذاء البحري بتحفز هرمون سيروتونين في الدماغ وبتقلل أعراض المرض.
ده غير أن أكل السمك سبب في صحة العظام وبيقلل احتمال الإصابة بالسرطان من خلال الأثر الإيجابي لأحماض “أوميجا 3″، كمان مكونات السمك بتمنع نمو الخلايا السرطانية في الجسم.
والغريب إن حسب الموقع أكل الأسماك بيحسن كمان من صحة العيون، خاصة لو بستخدموا الشاشات الإلكترونية كتير، لأن أحماضه بتفيد في تغذية عضلات وأعصاب العين.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
