The Definitive Guide to Living in the Capital , Cairo , Egypt

رنا شرف

2024 بدأت! ومع بداية سنة جديدة مهم نستفيد من نصائح الخبراء علشان تكون السنة مميزة وفيها نجاح وإنجازات. وفي الموضوع ده هنعرفكم على بعض العادات السلبية اللي مهم تتوقف عنها لو عاوز تحقق نجاح حقيقي في 2024. والنصائح دي نشرها موقع صحيفة “تايمز أوف إنديا”.

الأعذار

بينصحك الخبراء بالتوقف عن اختلاق الأعذار. ومهم أن الشخص يسعى ويجتهد ويسيبه من التكاسل والبحث عن مبررات مش هتقدم ولا هتأخر. ابدأ فورًا في تحقيق أهدافك بدون أعذار.

بلاش دور الضحية

بيحذر الخبراء من لعب دور الضحية، لأن الشخص اللي هدفه النجاح بيحتاج للسيطرة على أفعاله ومواجهة تحديات الحياة بدون خوف.

كفاية شكوى

بيقول الخبراء إن الشكوى من المشاكل مجرد مضيعة للوقت وإهدار للطاقة، والأفضل استثمار الوقت والطاقة في إيجاد الحلول للمشكلات.

خلي طموحك غير محدود

بيقف الطموح المحدود كحائط سد أمام تحقيق المزيد من النجاح في الحياة. وبينصح الخبراء بقبول كل التحديات وخوض التجارب من غير سقف محدد للطموحات مع الحفاظ في الوقت نفسه على نطاق منطقي للتطلعات تتناسب مع القدرات والعمل الدائم على زيادة المهارات والإمكانيات.

ودع الخوف

بيؤكد الخبراء أن الشخص اللي بيخاف من إنه يفشل، عمره ما هيتذوق طعم النجاح، لكن مهم برضه تكون المغامرة محسوبة بدقة.

لا للنظرة التشاؤمية

التركيز على الجوانب السلبية من الحياة بيهدر العمر وبيعوق استمرار المسيرة لتحقيق الغايات، علشان كدة لازم تبص دائمًا للجانب الإيجابي في كل حاجة بتمر بها ومن كل خبرة تستمد طاقة إيجابية.

احمد ربنا دائمًا واشكر الظروف

وأخيرًا بيوصي الخبراء بتدريب الشخص لنفسه على التعبير عن الشكر، لأنك هتلاقي إن الامتنان في حد ذاته قادر يخليك تحس بالسعادة.