نادي انترفيتنس الرياضي – InterFitness
مركز انتر للياقة البدنية والصحية: ﭼيم سميراميس أنتركونتيننتال في القاهرة
-
داخل فندق سميراميس انتركونتيننتال القاهرة
-
Melissa Howell
لما بـ
نروح أى فندق خمس نجوم في القاهرة عشان نأكل أو نشرب، بـ ندفع مبالغ كبيرة وبـ نتوقع أن الجودة تكون عالية. للأسف مركز
اللياقة البدنية في «سميراميس أنتركونتيننتال – Semiramis InterContinental» القاهرة، هـ تدفع فيه أسعار 5 نجوم لكن ماتتوقعش خدمة أكتر من 3
نجوم.
الـﭼيم
موجود في الفندق على الكورنيش في جاردن سيتي، في الدور الرابع وواخد مساحة شكلها
كبيرة لكنها في الواقع صغيرة. المكان مقسم إلى مدخل كبير وغرفة انتظار، وكانوا
ممكن يصغروا الغرفتين ويكبروا الـﭼيم نفسه. فيه كمان غرف لتغيير الملابس، مكان
للمساج واحد للسيدات وآخر للرجال وﭼيم منفصل للسيدات وواحد تانى مشترك، وحمام
سباحة خارجى.
الـﭼيم
نفسه هـ تحس أنه مزدحم بأجهزة ضخمة وكلها ماركات زي Nautilus، Star Trec، وUniversal. وفيه كمان كل
الأجهزة المعتادة زي المشايات، والأجهزة الـ Elliptical اللي ما بـ تعملش ضغط جامد على المفاصل، وأجهزة الأوزان. بس كل أجهزة
الـﭼيم قديمة ونزل الأحدث منها ومش مناسبة تمامًا لچيم بالمستوى ده.
المكان
زحمة قوي، فالوقت اللي هـ تقضيه هناك مش هـ يكون وقت استرخاء وتنفيس عن النفس زي
ما كنت متوقع. مكان حمل الأثقال وجهاز البنش تقريبًا مش لهم مكان. بس الحاجة
الكويسة هناك أن الـﭼيم نظيف جدًا وده علشان الموظفين هناك منتبهين وبـ يحرصوا على
أنهم ينظفوا باستمرار.
ﭼيم
السيدات في حجرة صغيرة في ظهر غرفة تغيير الملابس والفرش فيها تحس أنه مستخدم قبل كده وكأنه مأخوذ من ﭼيم قديم. كل الأدوات
من المعادن والبنشات غير مبطنة بشكل جيد، ومافيش اهتمام بالأجهزة اللى دائمًا
السيدات بـ يستخدموها زي المشايات والعجل الثابت.
غرف
تغيير الملابس نظيفة زي بقية الـﭼيم، بس وقت زيارتنا للـﭼيم غرفة السيدات ماكانش
فيها ولا موظفين ولا حد بتاع مساج.
حاجة ثانية
مزعجة في الـﭼيم هى قواعد الفندق الحازمة بخصوص الأطفال. أى حد تحت سن 16 سنة مش
مسموح بدخوله الـﭼيم حسب المكتوب في كتيب الـﭼيم. وبالرغم من كده هم مسموح لهم
ينزلوا حمام السباحة لكن الأطفال تحت سن 10 سنوات لازم يكونوا معهم مرافق بالغ.
حمام
السباحة الخارجي في الفندق في تراس كبير، وحمام السباحة نفسه كبير وشكله مختلف
شوية وبـ تحس أنك لو نزلت فيه هـ يبقى علشان تسترخى بدل ما تعمل رياضة.
مركز
اللياقة البدنية في الفندق مخصص أكثر لرجال الأعمال اللى بـ يسافروا وبـ يحبوا
يحافظوا على لياقتهم في وقت السفر. أسعار الاشتراك الغالية ممكن تمنع ناس كثير من
الاشتراك في الـﭼيم، أى حد هـ يدفع 4500 جنيه في السنة اشتراك أو 1500 جنيه لعشر زيارات، بـ يكون مستني فى مقابل
المبالغ دي خدمة مناسبة للأسعار٬ لكن ده للأسف مش موجود.
