The Definitive Guide to Living in the Capital , Cairo , Egypt

الصيف يعني البحر والسفر لأماكن مصر الجميلة زي سيناء والإسكندرية والساحل ومرسى مطروح وغيرها من الأماكن الجميلة.. لكن لو قررت تسافر المصيف فيه مجموعة نصائح مهمة علشان تحمي نفسك وبشرتك من أشعة الشمس الضارة.. تعالوا نعرفهم مع بعض.

1 – أول حاجة لازم تتجنب النزول للبحر في أشعة الشمس الشديدة اللي في الوقت من 10 صباحًا إلي 3 عصرًا، يعني تقدر تنزل قبل الوقت ده أو بعده، علشان ما تتعرضش لأشعة الشمس الشديدة.

2 – لو حست بأن جسمك سخن جدًا، حط رجليك في ماء بارد للحفاظ علي حرارة الجسم، وخد بالك النصيحة دي بتساهم في تنظيم نسبة حرارة الجسم.

3 – تناول كميات كبيرة من الماء، يعني أكتر من 3 لتر يوميَا، لتنظيم حرارة الجسم، وكمان للحد من التعرض للجفاف والعطش الشديد، وللحفاظ على نضارة البشرة.

4 – قبل النزول في الشمس، لازم تحط واقي للشمس +30، والحيلة دي بتحمي البشرة من الحروق، وكمان بتساهم بشكل كبير في الحماية من أضرار حروق البشرة، ومهم تحط واقي الشمس قبل التعرض لها بنصف ساعة.

5 – بالنسبة لنوعية الأكل، عليك تناول العصائر الطبيعية الطازجة غير المحلاة بالسكر وأنت علي الشاطئ، وكمان كتر من تناول الأطعمة الخفيفة الغنية بالعناصر الغذائية اللي بيحتاجها الجسم بشكل كبير.

6- عليك الاستحمام يوميًا بالماء البارد لتنظيم حرارة الجسم، والحد من التعرض لارتفاعها بشكل كبير.