The Definitive Guide to Living in the Capital , Cairo , Egypt

ما فيش حاجة ممكن تمنع عشاق السفر عن ممارسة جنونهم، ولو كنت من محبي رياضة القفز بالمظلات فإحنا هنقولك على أجمد 6 أماكن في العالم ممكن تمارس فيهم رياضتك المفضلة، بحسب قائمة فوربس.. يلا جهز شنطتك.. المغامرة هتبدأ حالًا.

وايالوا، أميركا

هناك تقدر تختار الارتفاع اللي عاوز تقفز منه، سواء 12 ألف أو 14 ألف أو 20 ألف قدم فوق الساحل الشمالي في هاواي، وأفضل شركة هتنظملك المغامرة دي هناك هي شركة  (Skydive Hawaii).

وأوعى تنسى تضحك للكاميرا وأنت بتقفز بالمظلة هناك.

نخلة الجميرة، الإمارات العربية المتحدة

المشهد اللي هتشوفه وأنت على ارتفاع عالي فوق نخلة الجميرا، مش ممكن نوصفهولك، لكن لازم تحجز قبلها بشهر مع شركة (Skydive Dubai)  اللي بتنظم المغامرة دي هناك، وده بسبب الشعبية الكبيرة للمكان ده.

جبل إيفرست، نيبال

القفز من الطيارة على ارتفاع 23 ألف قدم هو حاجة هتتمنى تعملها بشغف حقيقي، واللي هيساعدك في تحويل الحلم ده لحقيقة هو شركة (Everest Skydive) ، اللي هتتيح لك حرية الاختيار بين الهبوط في (Ama Dablam Base Camp) وهو مخيم على ارتفاع 15 ألف قدم فوق سطح البحر، أو في (Syangboche Airport) على ارتفاع 12.340 قدم فوق سطح البحر.

ليفينجستون، زامبيا

تقدر تخوض تجربة القفز فوق شلالات فيكتوريا، أكبر شلالات في العالم، على متن طائرة (سيسنا 206). وهناك شركة  (Victoria Falls Adventures)  هتوفرلك ارتفاعات مختلفة للقفز: 6 آلاف أو 8 آلاف أو 10 آلاف قدم.

كيب تاون، جنوب أفريقيا

هناك بيتم القفز من على ارتفاع 9 آلاف قدم فوق المدينة، وهتقدر ساعتها تشوف أجمل المشاهد لـ “جبل تيبل” و”جزيرة روبن” بوضوح، لما مشردك هيفتح المظلة على ارتفاع 5 آلاف قدم.

كيرنز، أستراليا

تخيل أنك على ارتفاع 14 ألف قدم فوق “كيرنز”، ده مشهد رائع جدًا مستحيل هتنساه في حياتك! وخلال عملية التحليق هتقدر تشوف المنطقة المرجانية العظيمة اللي جننت الناس كلها.